لا تزيد الهم في قلبي ..... يا ذاه
ميت الاحساس مادري وش في
ميت الاحساس يذبحني .. غثاه
وانا من الايام يكفيني. ... ما بي
يالله يالمعبود جلا في ..... علاه
ترحم المغبون من هذي مع . ذي
يالله يالمعبود عالي في ... سماه
ترفع الاغلال عن عبد ...... شقي
مبتلى يارب في ظرف .... غشاه
ما له غيرك ياللطيف ... ويالولي
ارحم عبد يشتكي لك من . عناه
قبل ياقع من بلاه ...... ويختفي
طال صبره والبلا زاد ..... بشقاه
ما له غيرك يلتجي لك .. منحني
وراع الواجب من رعاته ما رعاه
لكن يرعى من يبيه ...... ويدعي
ياللي يعلم حال عبده . ماتخفاه
ارسل عزك يالعزيز وانت . الغني
اغنني من فضلك يا رب . الغناة
اغنني من خير واسع ..... اغنني
اختم قافي بعدها بذكر . وصلاة
ازكى ذكري والصلاة على النبي
القارظ العنزي