المرحلة الأكثر خطورة اللي ممكن اي علاقة تدخلها.. إن طرف في الاتنين او الاتنين يعتبروا بعض زي قلتهم..
وجودهم مش فارق..
لا بيضيف حاجه ولا بيعني حاجه..
سواء ماديا او معنويا او الاتنين مع بعض..
المرحلة دي مفصلية الحقيقة..
لأنها المرحلة الأخيرة اللي ممكن تصلح فيها العلاقة..
وابتدى تعمل حاجه او تدي حاجه تخلي ليك وجود واهمية بالنسبة للطرف الآخر..
لو ده محصلش..
في المرحلة اللي بعدها بتنتقل من كونك زي قلتك.. الى ان قلتك احسن..
الكلام ده مش بس بينطبق على العلاقات المعنية بين راجل وست..
الحقيقه احنا بنشوف حتي بين الصحاب والأهل..
هرجع واقول تاني.. القيمة اللي بتضيفها في حياة اللي حواليك.. هي الضمان الأساسي لاستمرار مكانتك عندهم.