مفيش حد فينا مش عرضة للاستغلال..
مهما كنت شخص واضح وقوي وذكي..
ممكن برضه تقع تحت ايد حد محترف..
محترف نصب..
محترف كذب..
محترف تحوير..
حد يوريك أبعاد جديدة مكنتش تتوقعها..
وبالتالي مش هتبقى مستعد للي ممكن ييجي منه..
كل اللي قوتك واستقرارك بتؤهلك ليه في الحاله دي.. هو انك تعرف تخرج بأقل الخساير..
او انك تعرف تخرج اصلا..
فيه تجارب بتعدي علينا في حياتنا.. كده كده هنخرج منها خسرانين..
والقصة كلها بتبقى في اننا نتحكم في نخرج خسرانين ايه.. ونخرج ازاي..
لو ركزت وقتها على الخساير الوقتيه... وحاولت تتجنب الخساير اللي على المدى البعيد.. بتعرف تخرج بخساير معقولة.
لكن لو وقفت خايف بس.. هيبقى النصاب اللي وقعت تحت ايده.. عرف يخليك تكمل في طريق الخسارة اللي هو رسمه لك..