شعور صعب انك تحس بـ لحظة انه اغلى شخص عندك بيتركك ويترك الدنيا كلها
لحظة ما تدري فيها وش تسوي ، تخاف تحاول تتصرف تطلب المساعدة
فما بالك لو كان هذا الشخص هو الانسان اللي رباك وعلمك وطبطب عليك
الخوف من الفقد جربته في كثير مواقف
بس وربي وربي وربي
على رغم كل اللي فقدتهم وبفقدعم ، بس محد يجي لين ظفر امي
للحين قلبي يوجعني وخايفه ، صعب تحس انك ممكن بأي لحظة تفقد اغلى ناسك
مدري افضفض ولا ابكي ، او اسكت واحبس داخلي
لقيت الكتابة الحل الانسب لهذا ، هذي التدوينة اكثر وحده كانت من قلبي
احس وكأن شوية راحة دخلت قلبي الحين
،
فعلياً الحين احس لو خسرت الدنيا كلها بما فيها ما يهمني
بس ابي من هالحياة امي وابوي الله يحفظهم
الله يحفظ امي وامهاتكم كلكم
ويرحم من ذهبوا لـ مكان افضل