س/ اذا احب الرجل امرأة ماتت في عينه جميع النساء
‏مصدقيني ولا احذف التغريدة؟

يعطيك العافيه اخي آمير ع السؤال الرائع
برائي التغريده جميله كتغريده ومايحتاج الحذف , مش لأيماني بسدق العباره , بل لأنها عباره جميله قولا ,
رافقت الجيل القديم بالعصور السابقه قولا وفعلا وتطبيقا

بس بزماننا وعصرنا الحديث يلي أغلب المفاهيم فقدت معانيها وتأثيرها و بهتت لونها ودلالاتها ,, ف كلشي بزماننا الو بديل !! فـــ رح تضل هالعباره مجرد ذكرى جميله
والأشخاص يلي كانو بيأمنو بهالعباره ويطبقوها تقريبا شبه منقرضين ,, بذكر من الشعراء القدامى (قيس ابن الملوح) ومن الرسامين العالميين (فان كوخ) وكتار من المطربين والفنانين المؤمنين بالحب
فـــ بَطَل يكون في المرأه الوحيده أو الرجل الوحيد يلي بيعوض عن باقي النساء وباقي الرجال !!

آندماج البشر مع نظام العولمه والآنصهارهن فيها , صحيح ربحت الناس بعض المكاسب , بس بذات الوقت كان ع حساب ضياع مكاسب معنويه ساميه وقيم بشريه كانو بلآزمنه السابقه بيعنو الكثير للناس , (متل التضحيه والوفاء والصداقه يلي بلا مصالح ) وطبعا العشق كان من ضمنن !

وأنا بشكل عام (مش كرائي شخصي بتمثلني) شايفه أنو بزماننا أغلب الرجال (وليس جميعهم) بسهوله يقعو في حب المرأه الجميله ويتعلق فيها بشده ثم يتزوجها , بس أذا شاف الأجمل يخف شوقو وتعلقو واهتمامو فيها , ويبلش يعمول مقارنات !! وبعد كم سنه رح يفتح أسطوانه : آنو ليش شكلك تغيير وليش مابقا تحافظي ع نظاره بشرتك مع الكوريات , وليش قوامك مش ممشوق متل هيفا وهبي , وليش طبخك مش حلو متل الست منال !!

وأغلب النساء (مش كلن) نفس الشي يعجبهن الرجل الغني يلي بيلبي كل طلباتن , وبس تشوف رجل أغنى كمان تبلش تنق ع راس زوجها وتفتح المواويل : زوج صديقتي جابلا كذا , وزوج بنت عمي كتب شقه باسمها ..... الخ !!
وفي نسبه قليله منن بينقو أذا الرجل ماحافظ بقا ع قوامو ورشاقتو , بس الأكتريه بس بدن الغنى ويعيشو حياه مخمليه ويعرضو صورهن وصور احتفالاتن وهداياهن ع السناب تشات والأنستغرام !!

لهيك بنظر أغلب رجال هالزمن خاصتا الجيل الجديد المقبل ع الزواج , هيدي المرأه الخارقه يلي بتقدر تقتل باقي النساء بعيونو وتستولي ع عرش قلبو هيا أكثرهن جمالا ودلالا وغنجا وعطول تهتم فيه
وبنظر أغلب نساء هالزمن خاصتا الجيل الجديد المقبل ع الزواج , هيدا الرجل الخارق يلي بيقدر يقتل باقي الرجال بعينها ويستولي ع عرش قلبها هو أكثرهم غنى وأيسرهم حال وعطول بيلبي طلباتها

ولآنو المال والجمال مابيدومو لحدا فـــ بالتالي الحب مابيدوم ,, ولآنن صارو مقاييس للحب (للجيل الجديد) وآسس الزواج ,,
لهيك الحب كمان بيفتر وبيضيع مع الشخص القديم ,, ومع كل update جديد رح يتجدد الحب مع الآجمل والآغنى
والطامه الكبرى آنو الاكتريه عبالو آنو الزواج هو مجرد وسيله لبلوغ غايات آخرى, مش مشوار العمر مع النصف الآخر !!