العشرة اللي ما بها خير ..... .... تنعاف
وصدق الصداقة باللوازم ....... نلاقيك
وترى المحبة صدقها صدق .. واسعاف
يسبق وفاها بالوفاء قبل .... .. ندعيك
كلمة ترى ابشر تنقله فوق ..... الاكتاف
لو جت به انثى فعلها غصب. . يرميك
الطيب طيب وبين الجنسين . ينضاف
ما هو محدد بالرجاجيل ....... لا ذيك
حاتم ترى أمه بالكرم زينة ... . اوصاف
كتب الأدب تذكر كرمها ....... وتوريك
والا الردى ما هو عناوين ........ متلاف
ولا ترفع الناقص ترى بيضة ..... الديك
الطيب يلزم له مطانيخ ......... ميقاف
طيب الحقيقة ما هي مواقيف ترجيك
وبيت النجابة للمواليف ......... ميلاف
ابد ما نلقى بالمواليف ........ تشكيك
جيت اتشره وانتظر منك ... . الاهداف
والهقوة اللي خلتها ..... . عندك وفيك
وان ما حصل لي عندكم شتوة الحاف
نرجي بدلها بمقدم الصيف ..... يا بيك
الله لا يخيب هقوتي بذاك ... مصياف
اخر هقاوي خوتي قول ........ نرضيك

القارظ العنزي