خليني اسولف وياكم شوي
،
اليوم رحنا على المزرعة
والنية انه رح ننام هناك
انا بعد الظهر كنت فعلاً تعبانه رحت غرفتي ونمت
صحيت على اذان العصر ، المزرعة كانت حرفياً فاضية
ما فيها غير انا والجن اعوذ باللهه
وين راحوا مدري
تدرون اذا نمتوا في النهار احيان تصحون وانتم مو مستوعبين اي شيء
وانا كذا كانت حالتي ، صرت زي الخبلة ادور وبالاخير وقفت ب نص الصالة
وتذكرت موضوع المدير ، يوم سأل وش بنسوي لو صحينا ولقينا انه مافي احد غيرنا
ومن زود الفهاوه صرت افكر ( معقول مافي غيري بالعالم )
والله يوم اتذكر احس نفسي هبله ، من جد وقتها ككنت ناسيه شي اسمه جوال
جلست وانا صافنه افكر لمدة اكثر من نص ساعة
لين بديت استوعب انا وين ومين
فزيت على غرفتي ادور الجوال ، ودقيت على امي
طلعوا راجعين وتاركيني لوحدي ، مدري هم نسوني
ولا تناسوني ولا انا غير مرئية مثلاً
بس صصراحة
من جانب اخر استانست
فيه كثير اشياء ودي اسويها بالمزرعة بس وجودهم يعيقني
قلت لهم اني برجع بكرا ، وقالوا بيرسلون لي مدري مين عشان يجلس معي تحسباً
بس ما ارسلوا احد كانوا يضحكون علي
،
المهم
اول شي كان لازم اضمن اكلي
قمت سويت اندومي وحطيت عليها جبنة موزاريلا
وبعدين سويت ميني بان كيك وحطيت عليها عسل وشكولاته
وجبت شيبس ، ثم جلست اشوف فيلم
وسويت كل شيء كا بخاطري اسويه
وحاليا منسدحة بعد ما اكلت واحس اني بنفجر
وجالسة انتظر المحاضرة لانها على الـ 8:15 بتوقيت السعودية
اما بـ توقيتي توقيت الاردن 6:15
ووبس
ويسعد مسائكم بكل خيير ياربب