عادة الناس بتعرف تحافظ على اللي تعبت وحاولت كتير علشان توصله.. بتقدر قيمته فعلا
بس نادرا ما بتلاقي حد بيحافظ على حاجه جاتله بالساهل..
اوقات مش قيمة الاشخاص او الأشياء الحقيقية هي اللي بتحدد قيمتها.. ممكن جدا اللي اندفع فيها معنويا قبل ماديا كمان.. هو اللي بيحدد غلاوتها.
ويمكن ده اللي بيجاوب ع السؤال اللي ساعات بنقف نسأله: هو ازاي بيضيع كذا من إيده؟؟؟؟ هو مش حاسس بقيمته؟؟؟؟
هو غالبا يا مش حاسس.. يا اما معندوش حاجه يعملها.. وساعتها برضه بيبقى مش حاسس..
لأن اللي حاسس قيمة حاجه بيستموت عليها زي ما بنقول..
اشتغل على نفسك لحد ما تبقى حد يستاهل اللي قدامه يستموت عليه.. وساعتها متقبلش بأقل من كده..
واللي انت شايفه في حياتك يستاهل.. كافح علشانه لآخر نفس