هموم الليالي وعيال المعزب
،،،
جتني هموم الليالي تردف كنّها خُطّر
وفزت ضلوع صدري كنّها عيال المعزّب
والعيون مما غشاها مالها غير تسهر
وهواجيسي قامت تزاحم تبعد وتقرب
ماني جزوع وانا على الهم اقدر أصبر
وصبري على جور الايام صبر مجرّب
لكن تروعني طواري بالحشا تحفر
ما كنّها الا مطارقٍ بالشرايين تضرب
تذكرني بطيفٍ من الراحلين ابحر
يم دار ٍٍ شمسها لاتشرق ولاتغرب
عسى سحايب الرحمه عليها تمطر
وعسى جنات النعيم بهم ترحّب
قم ياخفوقي .. لاتجزع .. ولاتصغر
لاتنحنى للوقت ولاتسلم وتُغلب
خلك صبور مايمل ، بالرضا تضفر
وضيوفك لاتخليها ، تبشر بالطلب
نفسٍ على صدوف الايام ماتكفر
تؤمن بالمقسوم و تاكل وتشرب