يا عديـــل الروح لعيـــونــــك تراني
أرخص الغالـي ولك عندي مكاني

إيه احبــك يا عيونـــي وانت تدري
وان بغيــت اثبـات ابعطيك البياني

قلبي اللـي يابعــد روحي سكنته
غيـر حبـــك ما يجي به حب ثاني

وكل ما يقبـل عليك الخـوف ضمك
ليـــن تشعـــر بالحمايــه والأماني

وانتـــي اللــي بالمحبـــه تحتوينه
ومعـك يشعـــر بالثبـات وبالحناني

وبينــــي وبينـــك تخاطـــر لو غبنا
والتخاطـــر فيـــه تحقيـق الأماني

وان خـذانا الشـوق ياغايـة مرادي
سيـــرة الاحبــــاب ما فيـها تواني

يامنــى عمـــري فداك العمـر كله
انتـــي احلــى من تربع بالمحاني

وكــــل شـــيٍ يا الاصيله تطلبينه
من فدى عيونك ولو جــار الزماني

واسمحي لي كل ماشفك قبالي
اتغــــزل فيـــك صــــح الله لساني

مـــع جمـالك مـــع دلالك ياجميله
طيـب قلب وصدق قول ومرحباني

باختصـــار الله عطاك الزيـــــن كله
وزينـــــك الفتّــــان لامنـــه دعاني

جيت اسابق موجة الاشواق يمك
واحســب لك بالدقـايــق والثواني

وان وصلتــك يالغــلا عنــدي وصيّه
باختصرها فـ بيـت واعطيك البياني

ان بديت اشوش يالحــب احتويني
باعتبـــارك يالغـــلا شــــط الاماني

انتـــــي اللي معــك تصريح وميانه
ولاسكن بالقلب معك انسان ثاني

عاشـــق جنونــــي