إذا بيت القصيدة لك اعيفه لاطلع مكسور
وانا يابنت قلبي فيك شوف اليوم كاسرني
حبيبي والعيون أهداب فتنتها علينا حور
عليك الله أرحمني تجي فيها تناظرني
اخاف الشوق يسري بي وانا ديني ودين الجور
و الا ياموت موت العشق أن جيته تخابرني!
أحبك فايق و مرهق أحبك راضي و مجبور
هلابك لو تكوني لي ضريح الحزن عامرني
خبّرتي واحدن مثلي ملا صدره عظام كسور
وقال :لخاطره اسمع عذابك منه جابرني
أجوعك وأشتهيك العمر يجيك يقول لك مشكور
وانا دايم طعامك لي نظامة حيل دامرني
الا يا نفس داريني انا لك ممتلي بقصور
وانا داري بشر غيرك بنص مااجاك خاسرني
وعلى زودك بغلطاتك تلاقيني رضا مامور
حبيبي فيه لو غلطه تجي وتقول : ااامرني