سلامي لك سلام الارض يوم تعانق الامطار
سلامن منه يا راوي تزين النفس مو ليه

على من راح في حاله على اللي فيه فلكه دار
وعلى من قال في نفسه خطاي اني على النيه

أذا تسمح عقول الهم تفارقنا فراق اجدار
عقول اللي عليك ان قال حسناتك تجي سيه

بقول اللي وصل ماله ملايين ومن الامتار
على وجهين تحسبها مابين الشمس والفيه

حديث العهد بالنعمة دياره حرب نهاره نار
تعلّم ان كنوز الارض ما تنفع خلاويه

شعوري هو شعوري لو تعيد الشوف عين الفار
عليك انسى / علي تحفظ / علام القسمه العيه!

و عليك الله باحساسي مخافة جرح سن منشار
تعال اقرب ياعجز الصدر رموزي لا سياسيه

تصدرني الكلام البار غير و غير عن كل بار
بنفس الكاس انا اشرب وطعم الكاس ما زيه

غروري في غرورك فيه كم نجمه تسر أنظار
و انا لو كنت في فصل الخريف الجو ربيعيه

تجي تقلب نسيم اصباي عج سافي وفيه اغبار
افتّح وامّعْن النظره واشوف الزول جوريه

تعاتبني تقول اني غريق المعرفه سمسار
وانا سمسار كرسيك اخم هذي على ذيه

تحملني حمولك شلتها وقفة على تذكار
أشوفه من على وجه الطبيعي والطبيعيه

قصيد احساسها قافه من الدمام للانبار
تكفل بالشعور اللي طغا به لا شعوريه

عيونه حزنها ينبت اراضيها نخيل اشجار
بلاده من عيونه امتلت طيب و عناديه

بلاده جيتها قبل امس بلا موتر ولا فكسار
نهار انه يجي داري ولا يسأل حراويه

تقوله فاتنة واعيد قوله صل على المختار
انا نهج الوسط ماني يمين و لا يساريه

احب اقول مااابيّن هذي ياقتي. وازرار
ترى بالقاف ما عمري نويت أرسم حكاويه

حبيبي كنه الكنّه وانا كني من الصبار
فصول العام وأربعها معاي ان رحت بالجيه



عين الفار : عدسة مدري كاميرا بكرة القدم يرجعون لها أذا غابت عين حكم المبارة (المهم) مشوها