سلام من عتيقكم عتيق مدري وشبلاه
مرات يبحر بالبحر من دون مجداف و خشب
عجزت فيه القى وصوف فيني تقول هذي سماه
ايه امتليبه بالسؤال اللي جوابه بالعصب
يعني لساني مكتنز بالذوق والوجد و دواه
ولا هريرة في يدي تسكن كفوفي وانكتب
عكس الاوادم في زمن من السماء جيت لثراه
والوقت هذا وقت غير...فيه الثرى فوق السحب
ماهي على قول المثال ولا على قول الرواه
وانا عرفت المكتسب والشعر يمكن يكتسب
مابين بدع الانسكاب بالكاس ويل اللي كفاه
مافيه خالد بن وليد و مافيه شي اسمه غلب
يا صاحبي يا شاعري أنت السبب أبغا دواه
والصوت لا يمكن نشازة يشلع النوتا طرب
تبغا تكفر هالذنوب الدرب وين القا ضماه
هذي عذوقي دون بار جابت بلح جابت رطب
صدفة نما في داخلي حتى اكسجيني قل هواه
كل القصايد تنزوي والصمت لي واجب وجب
هذي بيوتي يا فهد والنور من مثلك قراه
وانا عرفتك بالطموح اللي على غيرك تعب
واكبر دليلي بالكلام الصمد في موته حياه
يومن يمينك غرست والحين جنه من عنب