(من مذكرة هدوء)...
للحزن سلطة *
يا تسافر عن الحزن..
يا أسافر للحزن وياك ..
واكشف خبايا من عالمك مجهول
وارتب الأوراق
وأقرا ملامح لحرفك
فوق السطر مكتوب
فيك الحروف أشوف
الحزن من كل لون
والكلمات تسلسلت بكل القيود
ارتشف قهوة الصبر
وأنا اتأمل بهالأوراق كل الجروح
واقلب صفحاتها
بين إبهام وفكر
وسبابه أمل بداخلك مفقود
ترتجي السعادة من قرب الناس
يا عسى بسعادتهم فرحك لك يعود
والحقيقة انك غرقان بدموعك
وان كان كل من حولك مستانس ومبسوط
فيا تسافر عن الحزن
يا اسافر للحزن وياك
ونخفي جروح بداخل القلب مدفون
