...طال الغياب
ياحب كان اقوى بكتير ....
من طول الزمان ..
اكبر واوسع ...حتى
من عرض المكان
يانسمه شقت نار الالم....
وسقتني بعطر الحنان
يافجر قام يدعي ويطيب
على صوت الٱدان....
طال الغياب ....
وشوش اتغيرت واتكبرت ...
واتبدلت معاني الامان
بنظرة خايفه بترتجف ...
ونبض جبان....
طال الغياب...
وايه العمل ...من غير أمل؟؟
رغم انه .....
عطرك لسه باقي ....
عايش في المكان
رنة ضحتك وهمسك.....
خطوتك ..لمستك
كل حكاوينا....
واحلامنا زمان
ورودك اللي زرعتها
باقية بقلبي
لسه شاهدة ويايا ....
ع الحب....ع الحنان
ع عهد صنته ...
بس العمر خان
بعدك انا بعت قلبي
والعمر عليا هان