صمنا وصاموا عن هوانا ....... غواني
مدري حياء والا تقى ربهم ....... فوق
لولا ليالي الصوم تمسك ....... الساني
والله لانادي بعالي الصوت ... للشوق
واقول روح يا بعد كل ...... ..... ثاني
من اللي بعربنا والا من يمة ... شروق
وافطن تراني بالبشر ........ مودماني
احس مثل احساسكم واشكي حروق
ليتك تطمن خافقي لو .......... ثواني
ترسل مع اللي من طرفكم .. وموثوق
حتى نكمل صومنا .......... ما نعاني
من جفوتك يا سيد البيض ... والذوق
والله لو تدري ويش بالقلب ..... فاني
انت السبب في ذبحته والجفاء عوق
ليتك تجيني يالغلا ........... يالعواني
تلطف بحال اللي غدا منك .. مسروق
ياللي سرقت القلب وكل ... المحاني
متى تحن وترحم الحال ..... يا شوق
وانا اللي دايم محتفظ ...... بالمعاني
في عهدتي واسرارها وسط صندوق
والله ما يفتح قفلته كل ........ جاني
لو قطعوا من مهجتي .. عشرة عروق
القارظ العنزي