: مساجلة أو ردية الوكاد انها وحده منهن بيني وبين الشاعر وله أطال الله بقاءه



الهاجس اللي مزعل الناس شره
صرت اتقية عشان قلب الحبايب


الناس راحت والخوي صح عمره
وين الغنايم ياللي طولت غايب


( أسهل عليا الرد من أكل تمره )
ومن اول الرميات بالعون صايب

ومن قبل ما يبرد على الطرس حبره
تلقى القوافي غرور والوزن ذاااايب

.......

اللي على المعني يا لله دره
يكفيه مايشمل قصيدة ضرايب

و الناس تفنى قبل تفنى المجره
اما الغنايم غير كسب الغلايب

ترمي جنوب الناس مليون مره
و تجيك ميه و ما تسميك تايب

خل ذا الحبر عبدن جليلن ل حره
ول تقول هذي من غريب الغرايب

....


يا مرحبا ترحيب غالي لقدره
اعداد ما هلت مزون السحايب

الذيب ما يسري بليات فكرة
والجو توه طاب والشعر طايب

والهاجس المجنون كره وفره
يعطيك نبذه عن زمان العاجيب

أحيان يكتبي قصيدن بصدره
وأحيان فارق شملنا روح خايب

ولا تقرب المجنون في وقت حره
يمكن يجي لك سهم ابلا سبايب


.....

حييت يا شاعر على الجلب دره
في غبتن من نورها النور غايب

للذيب مسرى بس للذيب جره
يتبع أثرها معربين النسايب

مجنون ليلى باح للناس سره
وانته على النيران دايم لهايب

احيان اشوف الشعر زين و مسره.
واحيان ما يجلب ياكود الطلايب.

ان كنت مجنونن عليكم مضره
و علاجكم بشهار وشهار نايب

...


يا راسك اللي ما بقى فيه شعره
الراس صلع وانت بالعمر شايب

ودك معايا اليوم في الشعر فره
لكن عزمك طاح ويش انت جايب

رغم ان قدرك يعلم الله مررررره
وانا رفيقك في السلى والنوايب

ببقى كما كادي ملئ الكون عطره
لـ السلم عطر .. وللحرايب حرااايب

...

يا عقلك اللي ناقصن فيه نمره
عز الله اني منك ماني بهايب

انته صغير وخوتي لك تشره
وانا كبير و خوتك مال سايب

التغلبي سم الحياه ل ال مره
وش أنت جايب معه ويش انت جايب

مانت الرحى و ابتنطحن مثل بره
و اللي يعيب الناس يلقى المعايب