خاف وادفن جواك خوفك
وإوعاك تنساه
ياما تعبت قلوبنا وياما
تعبتنا الناس والحياه
تعب الصبر من طول صبرنا
وصبحت صعبه كلمة آه
عارف يا صاحبي ..... عن نفسي
تعبت أنا
تعبت أنا من شيل همهم
والسؤال ليل ونهار عنهم
تعبت من التفكير
حتى لحظات فرحهم
ابات أدعي لربنا
الحزن مايقرب منهم
تعبت أطيب وأداوي
قبل جرحي انا جرحهم
وأقفل بيبان الهم بعيد
وأشيل انا ذنبهم
تعبت انا لما شفت
حزني مايفرقش عندهم
و تعب قلبي لما نزف
من شوك وردهم
خلاص بقيت زيك بخاف انا
بخاف ليوم أموت ف قلبهم
وبقول يارب خد مني
وزود في عمرهم
وماتخليهم ينسوا ابدا
حد كان
من قلبه أوي ...... بيحبهم