وكنت لما اشتاق كتير واحتاج حنان
ابعد بعيد عني انا..وانسى اللي كان
.واجي عشان ...ارضي حنيني
ولما ضي جمال عيونك يملى المكان
بنسى نفسي واقول لنفسي آن الآوان
.اصل شوفتك بس ديّا تبقى عيدي
واللي كنت معاه ملاك اقلب شيطان
اصلي بغير,اقلب غريب غير اللي كان
بس لما يفكر انه يشوف حبيبي
كنت لما اكون معاكي يتوقف عمر الزمان
يبتدي عمري الجديد وينتهي مُر الزمان
واللي ناقص مني يكمل لما ايدك ماسكه ايدي
قلبي دايماً كان شجاع ولا كان جبان
ايوه عنيد وعنيد كمان..بس ماخان
دايماً يقول إِنسيِ الِعناد ليا وطيعي
فاكره لما نقول كلام مليان حناان
وكل امّا تِنهي اقول كمان..ايوه كمان
اقول يا ضي القلب عيدي وزيدي
واقفه بعيد دلوقتي من خلف البيبان
خايفه تقولي كلمه تنكشف حالتِك تبان
وبسألِك مالك تقولي ماليش..تاني تعيدي
وكنت لما تزيد همومي وصوت اهاتي
ولما ييجي الليل عليا وباشتياقي
اجي جري عشان عيونك بتداويني
كنتي زي الطفله عايشه بقلب خالي
ولّا ضحكه في زعله يوم ماضحكتهالي
وصوت نداكي بكلمه حلوه بتناديني
ايوه دايماً شاغله فكري وواخده بالي
جايه حلمي وساكنه حتى خيال خيالي
وعايشه حاضره ولو تروحي ولو تغيبي
واتسجنت في بُعد قلبك ايوه وبعاني
وحيد في زنزانة حنيني,وشوفي مالي
بقيت كأني شخص تاني ومش بإيدي
شوفتي مالي بقيت وحيد وازّي حالي
جوه نفسي حبست قلبي بسجن عالي
واللي باقي مني راحلِك مش باقيلي