لــــــــ و
ولو قولنا حكينا وعدنا
ولو عزمنا من سواعدنا
ولو تصرخ حروفنا اهات
اشواقنا ياريتها بايدنا
ولو مسافات بعيد تبعدنا
ولو حكايات زمان ترعبنا
هنفضل بالحنين جوانا
وشعورنا اكيد يساعدنا
ولو ييجي علينا زعلنا
ولو دمعه تصاحب عينا
هناخد من اللي ساكن فينا
ونفتح للرجوع اهي ايدنا
ولو نلمس بايدنا قلوبنا
هنسمع صوت حنين يسكنا
وكلمه على الشفاه مشتاقه
ياريتها على اللقى تسابقنا
ولو فاكره حقيقي بعدنا
انا راجع اعيد سكتنا
ولا هبعد وانا مش ناسي
انا هبني اللي ناقص بيتنا
ولو ناقصه حروف حكايتنا
اكيد مش عايزه حد تالتنا
ولو نهدا عليها شويه
اكيد تكمل لو احنا ضحكنا
ولو احساسنا حس حالتنا
هيعرف اد ايه غرررقنا
ويحلف ان اول مررررره
يشوف حكايه شبه حالتنا
ولو تمشي السنين تسرقنا
اشواقنا وحنين هياخدنا
ويداعب قلوب عطشانه
وبكاس الهوى يسكرررنا
ولو تيجي صورنا قصادنا
والذكرى.. بورقه كتبنا
والحب اللي كان ويانا
ولساني هناك في مكانا
ولو مش لو..عادي وسيبنا
ولو قلنا حكينا وعيدنا
هيفضل حب ساكن عايش
ومن غيرك اكيد مش عايش
و حياتي تكون ع الهامش
.لحد ما لو تمشي تسيبنا