كان نفسي البسها الدبله
وبايدي انا همسك ايدها
نتصور كام صوره بسرعه
قبل محد انا غيري يشوفها
كان نفسي اعيد تاني الذكرى
ونخلي حكاياتنا لبكرررره
نحكيها في وقت السرحان
واقولك فاكره تقولي انا فاكره
كان نفسي اضمك انا ضمه
وتقولي نبضاتك عاليـــه
اسمعها بتنادي عليا
وتقولي اه ياشاعر سامعه
كان نفسي اجبلك كام نجمه
حوليكي وانتي هنا قاعده
يلتفوا يحنوا لعظمتگ
ويقولوا فلتحيااااااا الملكه
كان نفسي اخطف كم نظره
لعيونك الحلوه الخضره
واقول بلا وعي "الله الله"
دا عيونك دي بجد دي قادره
كان نفسي اكتبلك كلمه
على ايدك واختم بالامضا
واضحكلك قاصد من قلبي
وتقولي كمان مره الضحكه
كان نفسگ..ابدا..ودي لعبه
تخطيط ومن الاول ناويه
استدراج لخيوط وحاجات
واخرهم كالعاده اهو قافله
ايوه صحيح ابدا مش عايزه
بالتطفيش وغياب اه يا عاشقه
واللي حريص هيحارب زيي
مش مسح وهجر ولا كلمه
وتهرب واضح بالمررررره
ودي عادتك مش اول مررره
تخترعي الحوارات استاذه
ولا يمكن ولا جيتي من بره
خليلك اعذارك المررررره
وبراحتگ اه يا بنت ياشاطره
بكره اكيد تنقلب الآيييييه
وغيابي لو كان ..بلا رجعه
ضيعتي بداياااااات الجمعه
باقي ايام وانتي اكيد فاهمه
لو ضاعوا وكملتي افعالك
يبقى ساعتها واضحه الرؤيه
وبحبگ ايوه دي مش كلمه
ولو ضعت انا منك بلا رجعه
واحلامي كانت ويااااااااكي
وكان نفسي البسلگ… دبله