متصدقيش لو جُم قالولك اني ناسي
واني عايش مش هاممني الا ناسي
دا انتي اهلي وهم انتي وجوه قلبي
وقلبي عمره في يوم ماقالي اني قاسي
متفكريش ان حبك راح معاكي
وان بُعدك كان براحتي وبمزاجي
انتي عارفه إِنك بِعدتي باِختيارك
فمتقوليش بُعدي عنك شي عادي
شوفي ياما رميتي قلبي وياما عدىّ
شك ومشاكل والنكد ليا وهدىّ
وتجرحي من غير اسف ولا اعتذار
وارجع اسامحك وابتسم ولا اي فايده
وحده ترمي بالشكوك والاتهام
وليل نهار ولا كلمه حلوه بابتسام
بتنفّريني وتِشكي بُعدي والسكوت
وطالبه مني ازاي اجيلك باهتمام
ايوه دا اللي بتعمليه دا اسمه حرام
مااخُدش مِنك غير مشاعر بالكلام
حقاش قصيده وفيها حُب وكاتبه اسمي
واما بشوفك كل يوم جايه بخصام
مش قالولك اسعِدي راجلك يحبك
وقلِّلّي عتابك ،رسايلك،وبرضو شكك
واتجنبي اللي بتعمليه وافهمي
انه لو زاد عن حدك،يبقي ضدك
تجرحي وترمي كلام وارجع اقولك
ان مهما عملتي برضو اكيد بحبك
وانك معايا في كل وقتي عايشه جنبي
وساكنه جوه بعيد ف قلبي اكيد لوحدك
بس مش هرجع ادادي واعيد واسامحك
الا لو جيتي وشيلتي وشوفتي غلطك
لازم تجيلي وشوفي كم مره انا جيتلك
وحسسيني ان البُعاد مش هو طلبك
اغلطي مش مهم وفِعل عادي
بس تِكابري وتهملي،سِر اعتراضي
صلّحي وخلي اسفك دووووم يسابقك
واوعي تقفي ف يوم تعاندي هِناك قُصادي
بطَلي فن التعدي والغلط ويا التمادي
واعرفي اني بعّدّي واللي عادي إعتيادي
وخلي بالك مني جداً,اصل صعب تلاقي زيي
فوقي قبل فوات اواني وقبل مايتوهلك ميعادي
ايوه صبري فات بعيد وفاق لحدِّك
ورغم اللي صاير واللي شوفته جاي اقولك
اني بحبكـ,,اني عشقتكـ,,واني ماخُنتِكـ
واني بغزل بس شعري اكيد في وصفك
واني اسمي هناك بعيد لازم لاسمك
واني بحبكـــــــ
ايـــــوه بحبكـــ