طبعا قد كتبت اكثر من مره عن مرضي في هذا المنتدى مدري ليه احس لازم الكل يعرف عطايا ربي علي المهم
نرجع

تزوجت بعد الثانوي مستعجلة هههه 2006
2009 صابتني نوبات صرع انا عني ما كنت احس بس اللي حولي ملاحظين
المهم لما حملت لاحظت طبيبة نساء نوبة من النوبات و ادين لها بحياتي هذايك الادمية قالت لزوجي هذي التصرفات دليل صرع لازم توديها

فالشي المهم انو كل اللي تجنبوني لدرجة ان فيه من قطع علاقته بي تماما صديقات اقارب خففف تعاملهم معي لان بعد فترة بعد العلاج فهمت ليه تجنبوني ههههههه
عموما
زوجي ابد ما حسسني حتى اني مهمله معه كنت انام بالايام و لا جاب طاري و لا قال ان في شي لحد ما صرت انا صرت الاحظ اشياء مثل ( التبول لا ارداي ) كان يغييير كل شي بدون ما احس بتقولون كيف اعرف لان لما اصحى ما الاقي نفس الملابس و نفس الفرش و يرجعها كنه حرص منه انها نظيفة و عمره ما قال انو انتي السبب
تركت دراستي الجامعية لما عرفت اني مريضة و سبب مرضي اورام في المخ تحطمت الخ الخ من الاكتئاب و و و المهم فجأه كذا طقت براسي اكمل طبعا مشت الحياة و قبول الانتظام يقبلون سن معين درسني على حسابه في هذي الفترة مع ذا المرض لما كنت ادخل غيبوبتي اليوميه هو ينظف و يرتب و يسوي كل شي كان مثال للزوج المتعاون لدرجة حتى بنته كان يعتني فيها كأني حاضرة و افضل قدمت للماجستير و دعمني الحين صدق مدري كيف اقضي ديوني معه
و فوق هذا كله واقف بيني و بين كل احد يبغى يخرب بيني و بينه

عموما الزواج تكامل كل طرف يكمل الاخرهو ما كملني هو وقفني على رجولي و رفعني للسماء و الله لو احكي مواقف ما اوفيه ولوجزء بسيط من صبره و معاناته معي لكن اسأل الله يبدل ضعفه قوة و يبدل حاجته غنى و يرزقه من حيث لا يحتسب و يجزاه عني الجنه


شكرا لك حفصه موضوع حفز مشاعري
مو دايما الزواج سيء مهما كان صعوبته دايم في حل و فيه طرق

شكرا