بين الغزل والقصيد العذب خليني
اروي شعورٍ هلك ما نال غاياته
اكتب حكاوي تمثل بعض ما فيني
بين الخيال العفيف وبيض نياته
مادام هم شوهوا أحلامي ف عيني
اخذت منفى لروحي وسط لوحاته
جبرت حرفي لونه ما يدانيني
اهلكته بلوعتي وادماه حسراته
نوخت قافي وناخت له دواويني
ترثي بقايا العمر بأول نهاياته
لو مات حلمي بعيشه كذب يحييني
لوهي تعذر دروبي عن ملاقاته
بفج صدر السماء واعاند اسنيني
واجول وسط الفلك واغيض نجماته
بضحك ولو كان حزن القلب يبكيني
بقول دمع الفرح تنطق عباراته
مادام ربي خلقني معتني فيني
والصبر من فضل ربي باب جناته