ولسه الدنيا وخدانا
وجرح القلب جوانا
نصرخ بأعلى صوت
نتنفض .. ومش سمعانا
(عجبي )
بكتب بنبض القلب إحساسي
وأقول للحب .. يا حب مش ناسي ..
عمري ما كنت بخيل
ولا كنت في يوم .. قاسي
معقولة تهجرني .. وتروح وتنساني
بسهولة تجرحني .. وتزيد في أحزاني
هو البعاد قساك .. ولا نصيبي معاك
يبئا الألم عنواني
حالف أكون وهكون
وطموحي يمد جسور
ولو مالت على شجون
ولو حصرتني دوامة في وسط بحور
حالف أكون وهكون
عازف على وتر السلام أغنية
بردد اللحن الجميل .. وأقول حرية
ستين سنة ظلم .. قهر .. عبودية
ولسه الحقوق تيهه .. ولا منسية
بحلم وحلمي جميل وجرئ
مت**** أيدي لكني زى الطير
فارد جناحاتي وسري خطير
جوايا الأمل يحبي .. والقلب طفل برئ