هو لازم أقول بحبكِ
م أنتي عارفه
الكلام من غير مشاعر
رخيص أوي .. في الزمان دا
واللي يعرف يقول كلمتين
يبتديهم ب يا ليل يا عين
يعزفهم على وتر الاحتياج
يغنيهم علي الناي الحزين
كتير .. أيو كتير
يبقي حسيني بدل الكلام
وافهمي مني بلاش ملام
المحبه مش بس لسان
المحبه
شوق
مشاعر
غرام
أني أوهب عمري ليكي
أني أعيش بس فيكي
أني أضحي ..
أفديكي بروحي
بدل الكلام
عارف إن همسي
بالنسبة ليكي هيام
وإن كلمة بحبكِ
بتطير بيكي..
فوق جناح الغمام
بس مش لازم أقول
بحبكِ بالكلام
يا حبيبتي حبي ليكي
حاجة تانية
حاجة ما تتوصفش
في الزمان دا
شيء بيكبر كل ثانية
احساسي بيكي
خوفي عليكي
نبض قلبي اللي بيناديكي
يا حبيبتي
هو دا حبي الحقيقي
* * *
المحبة مش بس كلام
المحبة شوق..
مشاعر .. غرام