مشتاقلكِ .. أيوا مشتاقلكِ
ومش هنكر أني محتاجلكِ
وياما خدتني أحلامي لأحضانكِ
أعيش فرحي أحلي أيامي
أشوف وأسمع أجمل شفايف
تقول فيه كلام الحب ..
نجوم السما تضوي وتلالي
وترقص سنين العمر قدامي
أفوق من حلمي على خصامي
ألاقي مر أحزاني
أفتكر غيرتي من عيون الناس
وعنادك اللي مالهش أساس
يزيد غيظي واتجنن ..
ألمح ضحكه في عينيكي
والوجع غارز وبإديكي
ونتخانق بأعلا صوت
ونحلف ما يوم هنتصالح
أبعد عنك أروح لبعيد
عينيكِ الحلوة تلاحقني
وتندهلي بصوت الرقة تعاتبني
تقول أرجع غيابك عني يألمني
ألاقي روحي ليكي واخداني
وأرجع أنسي خصامنا
وادوب في هواكي من تاني