حرف الهاء
هااات ياليل القمر همس القوافي
بمسك اخر حرف يوم أنه صعيب
الشعر يشبه سحاب (ن) ومتقافي
ما يرتب جدوله شخص (ن) مريب
مايذب الريع ياكووود السنافي
خاض حرب الشعر و رسام وحريب
وغير هذا كل (ن) يسولف عوافي
مثل شمس اليوم في وقت المغيب
يحسب انه شاعر ويتبع له مجافي
و النسر عند الجيف حتى المشيب
ما يرد وما يسلم وغييير وافي
ولا عطور الورد ولا طعم الزبيب
وفيه من يكتب وجاب الي ينافي
ما مشو فيه العرب قول(ن)مصيب
وفيه من حرفه من الشعر الخرافي
ينشد الاشعار ونصاح واديب
وباقي الاشعار ياعسى ربي يكافي
البيوت مكسره لها صوت ودبيب
يشكي الخيبه ونور الحرف طافي
ويرسم القصه وهجران الحبيب
المعرف شكل والعنوان خافي
والرموز الوان حار بها الطبيب
مدري هو سعودي والا اسكنتنافي
والا من تونس او من تل ابيب
ينطحك بالهرج بس ماهو شافي
التغير في البشر اصبح رهيب
الشعر في هالزمن نعسان وغاافي
مابقى منه الا المصيح والنديب
سلمان