ساعة تلاقينــــا ظهـــرلي كنينـــــــها
بعيونها وايضا برعشة يمينــــها
صافحتهـــا وياليت مــــا صافحتــــها
عجزت يدي لا تنطلق من يدينها
قامـــت تهلـــــــي بي وهلت دموعها
ومن الغلا عانق حنيني حنينها
وبادلتهــــا الترحيب واخفيت عبرتي
وبغترتي مسحت دمعات عينها
ولولا حياها كــــــان تبغـــى تضمني
ولولا الحياء قبلتها في جبينها
في ساعة يصعب على الشعر وصفها
هي ساعة يالربع يا شين زينها
وسالتهــــا وشلـــــون تنســــى اتفاقنا
وايماننا اللي مع بعض حالفينها
وعضت شفايفهــــا وهزت كتوفـــها
وعرفت منها ان اهلها جابرينها
واقفيت يوم اوحيت زغرودة امــــها
زغرودة مــــــازال بذني رنينها
رجعت ازايم حسرتي مع اهمومـــها
ابكي عليها واتذكــــــر سنينها
ابكي وهي معلوم تستاهــــل البكاء
محبوبتي حرام وقتي يهينـــها
حنونه ما تحتمل شـــــــوف دمعتي
وانا لها ارحم قلب من والدينها
ناصر محمد العتيبي&