ذي ما تسمى دخول في نوايا الناس
ذي اسمها شغف وحب اطلاع
انتي انسانة تفصيلية تحبين التفاصيل
يعني يوم تتكلمين تحبين تذكرين كل صغيرة وكبيرة
واذا احد سولف معاك تفصفصينه
يعني تسألين عن كل صغيره وكبيره
ولو مثلا يقول رحنا السوق تقاطعين
وتسألين في اي سيارة ومتى وكم عددكم ! وهكذا ..
واللي يسولف معاك تطولون بالسوالف
ولا تتركون شي الا وتتكلموا عنه بالطول والعرض
ويمكن يضيع الوقت وباقي ما انتهيتوا

لذلك ما تسمى دخول بالنوايا
تسمى حب معرفة واستكشاف
وممارسة هوياتك وميولك

طبعاً حساسيتك بعيده عن كل ذي التصرفات
ومن واقع كلامك حساسيتك معتدلة
بمعنى مو شكاكة لدرجة الوسوسة
اي نعم حساسة ولكن حساسية طبيعية
ومالها علاقة بشغفك وميولك او" لقافتك "


بالنسبة لحب تعمقك بالنوايا هي نفس الوضع الاول
واما معرفة عدوك من صديقك ومن يحبك ومن يهمشك
ومن يكرهك .. بالاساس ما تهمك كثير
بس عندك حب اطلاع قوي
ومعرفه مشاعر الناس تجاهك
او حتى تجاه اي احد ثاني ..
مثلك مثل اي احد يحب يعرف مشاعر غيره عنه

واظنك تستمتعين في التعمق بتفاصيل اي انسان
وتطيرين من الفرح اذا اكتشفتي عنده شي هو يخفيه

المهم منسوب اللقافة
- اللي اسمها حب اطلاع وتبحر
ومعرفة كل شي وشغف وميول -
منسوبها مرتفع عندك

ولعلمك ذا مو عيب
لان كثير الاسئلة وكثير التفاصيل والمتعمق
والمهتم بسلوكيات الناس هو الانسان الذكي والنبيه


حاولي بجد توازنين بين انسان وانسان
بحيث مو الكل تتعمقين فيهم ولا تنبشين عليهم
ولا تسرحي مع شغفك كثير
وتسترسلين ويكون شغلك الشاغل


الامر الاخر لكل مقام مقال
اجعلي للتعمق وممارسة هوايتك وقت معين
وتكون لاجل سبب قوي ومهم ويستدعي تعمقكك
مو بس تطق براسك ومن تشوفين قدامك او تتذكرينه
تطبين بلحقه

انا عارف بان كل تصرفـاتك وتعمقك
كلها بخيالك ومع نفسك وقد تكون مع اللي تمونين عليهم
بس حاولي تهتمي بامور تنفعك اكثر وتفيدك غير التعمق

يعني دام عندك شغف وذكاء اجتماعي وميول
حاولي تستثمرينه في القراءة عن الشخصيات
والسلوكيات والفراسة والفنون الاجتماعية
وفن الاتصال والانصات وغيرها
المهم تستثمرين افكارك في مجالك اللي تتميزين فيه
لانك لو بس تتعمقين وتبقين على وضعك الحالي
راح تتعبين وتوسوسين وتحسين نفسك مو طبيعية

طبعاً ردود الاحباب قبلي او بعدي
راح تفيدك اكثر مني وكلنا نسعى لافادتك



تقديري

ِ