آخي نجم رح بشرحلك وبشرح للجميع بشكل مختصر جدا
شو بنحتاج كرمال منقدر نقرا جمله آو كلمة كورديه !!

مبدئيا في 5 آحرف صامته موجودين في اللغه الكورديه وهني :

آسهلهن هو حرف الـــ : پ ... بينلفظ بزبط متل حرف الــ p الآنجليزي
يلي موجود في كلمه / police
چ ... هو الــ ch الآنجليزي متل كلمه / church
ﭪ ... هو الــ v الآنجليزي متل كلمه / version
گ ... هو الــ g الآنجليزي متل كلمه / game

وآصعبهن هو حرف مش موجود بآغلب اللغات (فقط عنا وعن الفرنسيين
ومالو حرف خاص الا بالكورديه) وهو حرف الـــ ژ
متل حرف الــ g التاني من كلمه / garage

وعنا 3 آحرف متحركه ورئيسيه وكتير بنستعملهن باغلب الكلمات وهني :

ه ... هو بالزبط ينقرا متل حركة (الفتحه) تبع العربيه / سَفَر
وكمان متل حركة حرف a الآنجليزي القصير في كلمه / make
ۆ ... متل حركة حرف o الآنجليزي القوي في كلمه / over
ێ ...متل حركة حرف e الآنجليزي الطويل في كلمه / pen

وفي حرفيين ثانويين بحركة الشَدًه العربيه

ڵ ... هو نفس حرف اللام العربي + شَده ع اللام بينقرا متل / love
ڕ ... هو نفس حرف الراء العربي + شَده ع الراء بينقرا متل / road