الأمان هو الحاجة اللي هاتخليك تقرب بثبات أو تبعد بيقين، الشعور اللي هيخليك تاخد خطوة مع حد في مشوار صعب بس قررتوا تمشوه بثقة، قررتوا تمشوا وكل واحد فيكم واثق ان التاني مش هيتخلى في نص الطريق، مش هيبيع مع أول وقعه، وأول خبطه، البداية اللي قلت بها "اطمنتلك" علشان تختصر كلام؛ كلام كتير جدًا، المجازفة اللي دخلت فيها وكان بس سببك "حسيت بالأمان معاك"، الأمان مش حاجة ممكن تقنع حد بها بكلام، مش محاولات وصفك لصفة فيك هيسمعها منك ويصدق، الأمان شعور بيوصلنا بيقين القلوب، بيقين الفعل، بيقين التضحية والثبات والتمسك، بيقين الصدق والوفاء، وربما كان هذا في وقت ما هو الاحتياج الأعظم والأوحد لشخص ما..