06-20-21, 06:23 AM
|
#1 |
| | 
بدرٍ تجلّــــى
السلام عليكم ورحمة الله وبركاته
اسعد الله اوقاتكم بالخير
مشاركه اتمنى ان تنال إعجابكم
لي وقت ما شاركت خالــي مكاني
والناس تسألنــي على ويش غايب
واقـــول كـــلٍ من ظروف الزماني
لابـــد مــا يلقـــــى بدربـــه نشايب
واذا صفـــــى جوي على ليل داني
كتبـــت شعــــرٍ فــي زمان الغرايب
شعــــــــرٍ بيوتــه كل ابوها سماني
ما جا بهـــــــا منقـــود والا شوايب
واذا بدعــــت القـــــاف لا ماعصاني
اما يجــــي بـ ارضــــاه والا غصايب
لعيـــــــــون حــيٍ بالمحبـــه رماني
وعن الغــــــزل لا شـك ماني بتايب
لبيـــــه ياللي بالزمــــن ما نساني
وقلبي معـــه ويقـول ماني بسايب
لامــن طرت لـــي طيبته والحناني
يفــــز لــــه قلبــــي بليـــا سبايب
واجيلـــــه من البعـــد لاشك عاني
وارخص لــه الغالــي بكـل النوايب
دامــه يناظرنــــي وقلبـــــه دعاني
لبيـــه ياللـــي من خيــار الكسايب
وطلة جبينــــك يا فصيــح اللساني
بدرٍ تجلّــــى بيــــن كـــــل الحبايب
والناعسات اللــــي تجيــب الأماني
عــــــــن قربهــا يازيـن ماني بهايب
لو جيـت اراهن ماخســرت الرهاني
علـى جمالك ياعســى الحظ طايب
مشاهده ممتعه اتمناها لكم
بقلمي // عاشق جنوني |
|
|
|