*
*
النسيم اللي سكن بالي قبل لا يسكن بلادي
مدري أجيره بجلد الذات والا أستجيره…!
لأني اللي أمتلك احساس وشعور ومبادي
لا استحلّ الكون بتحس الجمادات بضميره
من فؤادي ينبع إحساسه ومن عزة فؤادي
أي كلمه تلهمه لمحات طاري تستثيره !
المحبة انجذاب أرواح و شعور امتمادي
بين خوف وبين شوق وبين فقد وبين غيره!
لا اعترتني الأربعة أهيم وأترك كل وادي
من زمن بطلت أهيم بأودية شبه الجزيره
لأني اللي معاهدٍ نفسي أبا أحقق مرادي
المراد اللي عهدته ما ارتضي بمراد غيره !
بكسر سدول المسا لا حلْ و أعرّي عنادي
لي متى و الكائن الطيني على نفس الوتيره؟
من يعيش الحب تحت قيود و عادات البوادي
يعتبر حبه دناءة نفس أو نزوة حقيره !!!
*
*
أنا فداهم