(حلم)
ماعدتش خلاص احلم وأتمنى
ولا هفكر يوم في فرح وحنة
هاصلي صلاة مودع وأغمض
واقابلك ياأخويا بئا في الجنة
************
(مراية)
انا مش عارفني ولاشايفني
مرايتي بدم أخويا بتخايلني
اشوفه مقتول مرة واشوفني
بتضحك عليا ياأنا ولا بتحايلني ؟
***********
(إيمان)
كفرت بيك يادين السياسة
يامر ياعلقم يا كل النجاسة
لايمين ولاشمال ولاحتى عدم
ياسوق ولامم كل النخاسة
************
(حسد)
باحسد كل اللي مات وإرتاح
ماعدش يشيل هم ولا جراح
سابونا لحالنا ننوح ونبكي
ونقول يابكره رجعلنا اللي راح
********
(كلمة)
ياكلمة حزينة وفكرة كئيبة
خنقاني كلمة ف قلبي صعيبة
اقول انا كرهت أكون مصري ؟؟
ياربي عفوك دي تبئا عيبة
**********
(مصر)
سامحيني يامصر مش بإيدي
ابني واخوه ختموا لي عيدي
بدم بعض حنوا لي إيدي
قليل علينا تلومي ....
مهما تقولي أو تعيدي
*********
(أمل)
بحايلك تفتح عينيك يا أمل
ترسمنا بكتابك خريطة عمل
تبدأها باسم الله ومحبة
وتعرف تداوي بقلوبنا الخلل
********
(تعب)
تعبان القلب والدمع محتار
ازاي هيقدر تاني يحلم بنهار
والدم حواليه حبره أنهار
والسطر لو ينطق .....ينهار
يااااااااااااااااااااه ذكريات افتكرتها مع الخاطره دى تعود لسبه سنين