<{ ودي احركك يا جدار الصمت }>
خوذها قاعدة تكلمت او ما تكلمت
عيونك حكت لي وسمعت الرمس
آه آه ودي احركك يا جدار الصمت
لكنك اليوم ما عدت لي مثل أمس
أنا ياما وياما لحبي الطاهر الجمت
لأجله كاتم أنفاسي ما تسمع همس
إيه تجاهلت شتمك يا ردي السمت
مالومك تضرب خمس على خمس
كثرت مراسيلك ماتنفع بعد الغمت
هونها تهون لا تحمس قلبك حمس
وأبداً لا تحسب مثلي بمثلك شمت
حرفي نور طريقك يِصْعب الطمس
آه كم و كم للقاضي وغيره اوهمت
كل ماتحاول تخفيه طلع كالشمس
روح تجرع مر فهمت وإلا مافهمت
كأس سقيته لغيرك تشربه يانمس
كان ما كفاك خلك عايش في كمت
ودك تلمس كفي باصباعك لو لمس
هيهات ترجع مافات إنكانك حلمت
ياتابع السراب هيهات تحلم بغمس
الشاعر/ حمد بن فهد المخالده السبيعي
حرر في: ١٧ / ١١ / ١٤٤٢هجري - ٢٧ / ٠٦ / ٢٠٢١م