آهلين عزيزتي جودي
نورتي موضوع آستضافتي
شكرا لمرورك الجميل ولآسئلاتك المميزيين

1- بشكر الله لحد هلآ قدرت آعمول بالانس وآوفق بين عملي الحقيقي وعملي في المنتدى
وباقي نشاطاتي , بتخصيص آوقات مناسبه لكل موقع ومطرح وبركز فقط فيه
وقت الصبح وشوي من النهار بيروح لعملي الحقيقي
باقي النهار والعصر والمسا بقضيهن مع آهلي آو نطلع بشي مشوار
وبخصص فتره الليل للمنتدى لآنو بيصفا بالي بهيدا الوقت
وبكون خلصت باقي آعمالي وتواصلاتي اليوميه
ووقت الويك آند للضيافات والشوبينغ والخرجات العائليه

2- قدوتي في الحياه هو رسولنا الحبيب (محمد)
عليه آفضل الصلوات والسلام وعلى أصحابه الكرام
آما مثلي الآعلى يلي آتعلمت منن وستفدت منن وبطبق نصايحن
هما والديي العزيزان (بيى الغالي ومامتي الحبيبه)
وهما سبب وجود كلشي جميل ومميز ومذهل بتاتيانا
وبعد الله الهم الفضل الكبير بحياتي ربي يطوللي بعمرن ويسعدهن عطول
ويعينني على برهم وآيفاء ولو جزء بسيط من حقهم عليى

3- قولي بلدان لآني من عشاق السفر السياحه ومابيكفيني بلد 1
بس رح آذكر كم بلد {آيطاليا ,, المغرب ,, كوريا الجنوبيه ,, والبرازيل}
وكحلم بتمنى آني زور آغلب البلدان والموقع الاثريه والطبيعيه الخلابه

4- آغلب (صديقاتي وآخواتي بهالمنتدى الجميل + من منتدايا الآول) غاليات عندي وقريبات لقلبي
آذا بذكرهن بدي كم صفحات ورا بعض ,, (بس لانك طلبتي مني آذكر لك فقط آسم 1)
لهيك رح جاوبك وبقلك : آنو آقربهن لقلبي وآكثرهن تقارب لشخصيتي وطريقة تفكيري
هي صديقتي الصدوقه و آختي الغاليه (عطر الندى)
وكل الآعضاء يلي شاركو بمسابقاتي عندن مكانه ومعزه كبيرتين عندي

آما في حياتي الحقيقيه كمان عندي باقة كبيرة من الصديقات والزميلات والقريبات
كتير غاليات وعزيزات عندي وبيدعموني وبيساندوني بكل مشاويري
بس آقربهن هيا وحده من زميلاتي المهندسات يلي صارت بعد فترة آوفى صديقه وآخت لالي

وآخواتي الحقيقيات ( t & t ) تنيناتن نور عيوني الــ 2 ومن آغلى وآروع الآخوات والصديقات بالدني
ربنا يحمي ويوفق ويسعد كل صديقاتي وآخواتي بهالمنتدى وحياتي الحقيقيه كمان