ً
ً
اظن :
مشكلتك تفكر كثير وتسهر كثير
مشتت وامورك ملخبطه
جدولك مقلوب وغير منظم
متعود على روتين واحد
تغلب العاطفة على العقل
فاضي ولا عندك ما يشغلك
تعيش حالة عاطفية .. ربما

لذلك نظم جدولك وكن حازم في قراراتك
ابتعد عن المنبهات وعن الفراغ
لا تسهر كثير وحدد وقت تتوقف عنده
لا تنام وما فيك نوم لكن لا يعني تبقى سهران
لانك لو رحت تنام ومافيك نوم اكيد رح تفكر
واذا فكرت ما رح يجيك النوم

عشان كذا حاول تشغل نفس في النهار
يعني تتعب شوي عشان يجي الليل ومافيك حيل تسهر
والمهم تكون جاد في تغيير وضعك

بالنسبة للعلاج النفسي اذا الطبيب هو اللي صارفه لك
فلا بد تستمر في المراجعة وتطبق اللي يقول لك الطبيب
اما اذا كنت اخذته من دون وصفه يعني من كيفك
فنصيحتي ابتعد عنه لانك لو تعودت عليه رح تدمنه
وخلاص انسى شي اسمه نوم طبيعي بدونه
لذلك انتبه لا تعود جسمك وعقلك عليه
لانك راح تتعب بعدين وتجيك امراض عصبية
ولعلمك تنام ثلاث ساعات بدونه افضل
لانك تنام نوم طبيعي مو قهري
ومع الوقت باذن الله تمتد الثلاث الى اكثر
وترجع لوضعك الطبيعي
بس المهم تخلص من الافكار الزايدة
ومن الروتين اللي انت متعود عليه

وابشرك ما فيك الا العافية
ووضعك طبيعي بس تحتاج الى تنظيم جدولك
وما تاخذ منبهات ولا تسهر كثير
وتبتعد عن الفراغ وعن الاصحاب اللي يسهرون

وكل اللي قلت لك وقاله اللي قبلي
واللي بيكون بعدي
ارشادات بناءاً على ما كتبت لنا
لكن يبقى بانك اعرف بوضعك وحالتك
ودامك انت طلبت المشورة برغبتك وبمزاجك
فاعمل بها واغتنم فرصة استعدادك للتغيير



كنت بادعي واقول .. يارب تنام نوم اهل الكهف
بس صعب تنام نومهم وبعدين ندور عليك ما نلقاك

اسال الله ان يوفقك ويعينك ويرشدك وييسر امورك



تقديري

ِ