في وسط التوهه والعتمه
بشوفك في السما نجمه
تنور روحي وانت بعيد
وشوقي كل يوم بيزيد
ويسألني عليك قلبي
أقوله ده جاي وبخبي
أنادي عليك متسمعنيش
كفايه خلاص متوحشنيش
هعلم قلبي يقسي عليك
ولا هاسهر أفكر فيك
أنسى وبس هم يومين
ويسألنى حبيبك فين ؟
أنا هنا ياحبيبتي وسامعك
ولآخر عمري هكون جنبك
إزاي تفتكري إني نسيتك
وانتي الوحيده اللي هويتك
ده أنا شايفك حلم بيتحقق
هيحلي حياتي أنا مصدق
يارزق من السما جالي
وبدعي يارب يبقالي
ده وعد عليا وبقولك
تبقي شمسي وأبقي ضلك
بس أوعى تقسي قلبك
قلبي عايش عشان يحبك