07-15-21, 12:50 AM
|
#78 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
 |  | |  | | * " يصدق الإيمال العمل به، فأن تؤمن بالله معناه أن تصلي وتصوم وتزكي إلخ، أن تؤمن بالرسل معناه ثبات عقيدة الولاء والبراء عند من يسئ لهم وكأنه اختبار عملي لتأييد النظري، وماذا تقول الحلوة 
؟؟؟
بوافقك الرائي ياحلوة الحلوات
فعلا آصدق الآيمان هو تحويله لآعمال وحقائق
ونحن كمسلمين متل مانحنا مؤمنين بانو رسولنا الحبيب محمد
(عليه آفضل الصلوات والسلام وعلى اله الكرام) هو خاتم الأنبياء
معلم الانسانيه وفخر كائنات الله وآسماهم منزله
ضروري آن نبرهن لغير المسلمين يلي واقعين في حيرة
آنو ليش ربنا آختار ديننا لحتى يكون آخر الآديان ؟؟ وليش آختار نبينا يكون خاتم الأنبياء ؟؟
لازم نثبت بآخلاقنا وآعمالنا وآسلوبنا الحضاري وفكرنا النير
انو نحنا تابعين مخلصين لآخر رمق ندين بالولاء لله ولرسوله وللآسلام
نؤمن بحريه الأديان والمذاهب وعنا علاقة وديه مع جميع الشعوب
وهيدا آقل واجب منا كفرد وشعوب مسلمه ومسالمه
وبذات الوقت نحارب الجهل والآرهاب ونحذف هالفئة الضاله من قاموس الإسلام
ونرجع صورة المسلمين المشرقه يلي كانو بالعصر الآندلسي هم ملوك اورويا واسيا وافريقيا
وكانو آعظم علماء وادباء وحكماء الأرض , والأجانب كانو بيتمنى يدرسو بمدارسنا وجامعاتنا
ويكون طلاب لهالاساتذه والعلماء العظماء
* هل جمعت تاتي في فترة ما أفكار عدة نظرية لتخرج بفن عملي متكامل من أفكار مختلفة
؟؟؟
ياريت دكتورتنا الغاليه , بس لحد هلآ ماخرجت كل افكاري
وما جمعتن بقلب فن او مشروع متكامل
يمكن يكون السبب انو الأفكار متل الموجات المغناطيسيه
بيجو بفترات معينه وبمواضيع متنوعه ومتفاوته
فـــ فكره تجميعهن بقاموس 1 يطلع شي غريب !!
آو يمكن لآنو حياتي كتير معجقه ويادوب الحق اكفي اعمالي متل مابدي
بعدني في سباق وتحدي طويل مع الزمن
لهيك ضلو الأفكار بمناطق خاصه من الدماغ محفوظين
لبينما يأذن الله ويجي الوقت المناسب ويقدرو يطلعو للنور
آما بخصوص المنتدى
فــ يسرني ويشرفني آنو وحدة من هالافكار قدرو يطيرو من دماغ تاتيانا ويشوفو النور
وكانت ( ��سـلســله آطـلال ساحــره من الجمـال المهجــور ��) وآقرب اعمالي لقلبي
وهيا ربورتاج صوري ومعلوماتي عن آجمل 120 آطلال وأماكن مهجوره موجوده ع كوكبنا
وآيضا نافذه ( ✍أقـوال مؤثـرة بقلــ مبدعي المنتدى ــم ✍ )
يلي هيا رافد فكري ثري حبيت لآقدمها لرواد آعضائنا الكرام
حتى يكتبو فيه آقوال وآراء قيمه بقلمهم الشخصي
وهي زاخره بفكر وأقوال كتابنا ومفكرينا ورواد منتدانا الموهوبين
* بين النظري والعملي:
يقال أعظم أسلحة الكاتب قلمه، هل تؤيدين ذلك؟؟؟ في الحالتين عللي لذلك ؟؟؟
فعلا أعظم أسلحة الكاتب هو قلمه
حتى لو كان الفكر آعظم من القلم
ولكن بدون القلم مرح تقدر توصل آفكارك للآخرين
يعني هون القلم آهم من الفكر لآنو الطريق والوسيله لآيصال مانريده للاخرين
* أحمد مطر،،، ناجي العلي،،، غسان كنفاني بعض من أسماء جمعتها لكِ ما الرابط المشترك بينهم من وجهة نظركِ
؟؟؟
ثلاثة ابطال ثوريين ,,, ثلاثه من عظماء الفكر العربي الحر
ثلاثه نقاد وناقمي من سياسات بلدانهم الفاسده
والثلاثة انجبرو على هجر بلدانهم والعيش بالغربه
رحم الله الرسام الفلسطيني الشجاع ناجي العلي
ورحم الكاتب الفلسطيني الشهيد غسان كنفاني
واطال بعمر شاعر العراق الكبير آحمد المطر
* وبين النظري والعملي: تقولين عن الأتراك بهم طبائع لا ترق لكِ،، أنظري هنا لقصة هذا الشهر،، في منطقة الأرتاكوي حيث بطاطا الكومبير اللذيذة،، واليخت يلف البسفور كانت هناك محلات صغيرة للمقتنيات مثل: الفضيات،، الهدايا التذكارية،،، ومحلات تبيع كتب أغلبها مستعمل والقليل منها جديد ،، ومحسوبتج طار عقلها بمجرد رؤية ريحة الكتب فأول ما وقفت قالي: لدي روايات وأشعار ظهر لي دواويين قباني وروايات متعددة أغلبها لنجيب محفوظ مثل زقاق المدق والحرافيش و و فقلت له : لا أريد ذي الكتب،،، وسردت له كم مؤلف والرجل كبير في السن: استغرب وكل ما كنت أقول اسم كان يكمل لي الاسم ويزداد دهشة وقال ما عندي ذي الكتب لكني مستغرب أنكِ تطلبينها،،، وما سألته لماذا؟ لأني عارفة الإجابة أولا ولأن اللي معاي ما أمهلوني وقت للاختيار كانوا على عجلة من أمرهم فجملة حتى هنا كتب جعلتني لا استغرق كثير لأنه للإنصاف أنا جاية من أجلهم،،،
ما سردت ذي الحادثة اعتباطا وكنت ناوية أنشرها بمدونتي،،، لكن لما شفت أني بينج وبين عطر وذي المستوى العالي من الفكر قلت الأحلى أني أناقش ذي الحدث مع أجمل العقول وأرقاها،، تاتي من المسؤول عن رسم صورتنا النمطية السيئة في الفكر التركي مثلا: أن العرب لا يكترثون للثقافة، ولا يهتمون لأمرها،، هل قلة وعي ،، أما وقوفهم عند السمع وما يقال عنا
؟؟؟
آول شي بتمنالك سفرة ممتعه وجميله نشالله تتهني فيها
بخصوص الحادثه فعلا معك حق هني آخدين هيدي الفكره عنا
وآذا بتستاليني عن وجهه نظري , رح بقولك آنو
للأسف آغلب الشعب التركي متأثرين بسياسة واراء حكمائهم وزعمائهم
(متل الصهاينه) بيعتبرو آنو شعبهم الأفضل والاقوى ع الكره الارضيه
بمجرد كان عندن سلاطنه عثمانيين احتلو بعض البلدان العربيه والاوروبيه
وحكمو الشعوب لمئات السنين ,, لهيك بيعتبرو حالهم خليفه المسلمين
ع قد ماتعاملت مع كتير شعوب وزرت بلدان ,, متل الاتراك بحياتي ماشفت !!
خاصتا تجاهنا نحنا الاكراد , هما بيزرعو الحقد والكره والعنصريه جوات أطفالهم وبالمدراس بعتبرونا الد اعدائهم
ومش بس نحنا هما عندن معادات مع بعض البلدان العربيه متل السعوديه والمصر
ومره جربت احكي معهم بالانجليزيه ,, قالو مابنعرف حولت للفرنسيه
كمان قالو مامنعرف احكي بالتركي ,,
هيدي المره جربت احكي معهم بالعريي ثم الفارسي
نفس الشي بيقولو بس تركي هيدا نموذح لعنصريتهم وطريقه تعاملهم مع السياح !!
* تغيير الصورة النمطية مسؤولية كبيرة عاتقها يقع على من أفراد، إعلام ‘ جهات حكومية ووفود ثقافية تبادلية على المستوى التعليمي
؟؟؟
والله الفئات الاربعه يلي ذكرتيهم ,, كلهم بيقع ع عاتقهم تغيير الصورة النمطيه
وبالدرجه الكبيرة الحكومات والوفود الثقافيه
ثم الاعلام وثم الفرد ,, هيدي مسؤلية مشتركة وجماعية ولازم الكل يتعاونو لتحقيقه
* لكن حقيقة لماذا الروايات هي الأكثر تحقيق للمبيعات الرابحة والرائجة معا
؟؟؟
فعلا القصص والروايات هو آكثر مجال ادبي ييهتم فيه الناس
يمكن لآنو البشر بالعاده يحبو يشوف حكايا صايرين قبلو ومع اشخاص تانيين
يمكن حابين يستفيدو من تجارب الاخرين
يمكن حابين يعرفو شو نهاية القصه والحدث
يعني كــ آختبار ,,, جيب موضوع او معلومه
انشر الأول بصيغة موضوع علمي
وجرب آنك تحول نفس المعلومه الى قصه او عبرة
(وهيدا بيتوقف ع براعه الكاتب في طريقه السرد وصياغه العبارات)
وانشرها بطريقه القصه
دغري رح تلاقي تهافت وانجذاب الاكثريه للعمل القصصي
* لو ألفت مهندستنا كتاب هل سيكون بمجال الهواية أم التخصص
؟؟؟
نشالله آذا صارلي مجال وآجتني هيدي الفرصه العظيمه
حابه الف في مجال تخصصي الهندسي وآثريها بصور بعض مشاريعي
وكــ الهوايه
في مجال الفاشن // حابه آنشر كتالوج لآنواع الأزياء واجمع فيها كل الموديلات
في مجال السياحه // حابه آنشر قاموس سياحي لآجمل المناطق الغير مشهوره ع الأرض
+ سلسله الاطلال الساحره احولهم لآطلس كامل
في مجال تنميه الذات // حابه افيد الاخرين بآفكاري ونصائحي وتجاربي
على فكرة أنا دائما ما أجد أنكِ إنسانة رائعة في السرد والتشويق خاصة في جوانب السياحة،،، والسينما ،،، فإصدار كتب خاصة مصورة بذي المجالات لا أراها ذات صعوبة عليكِ،
برافو عليكي دكتورتنا والله احساسك بمحلو
فعلا انا قبل مااقرا هيدا الجزئيه من كلامك , قلت اني حابه اقدم كتالوج سياحي
وتسلميلي حبيبتي لشهادتك الرائعه بحقي وبحق طريقه سردي وكتاباتي
* (( الرجل أفعال لا أقول)) وهناك من يقول ( الرجل قول وفعل))
فأيهما تصح أكثر
؟؟؟
برائي الآصح هو الآتنين
لآن قول بدون فعل يصيبك بخيبة الامل
اما فعل بدون قول يصيبك بصدمه وصعقه
لهيك آحسن شي آنو الانسان يكون قول وفعل
* (( هذه المرأة بميه رجل)) متى تقولها تاتي
؟؟؟
لما تستطيع آنجاز عمل فشل به 100 رجل آخر
لما تتحدى 100 رجال وتقدر تتفوق عليهم
ولما تداوي الجروح والدمار الذي سببه حروب 100 رجال
* متى كانت تاتي بمية رجل
؟؟؟
في المواقف الصعبة والحاسمة جدا
يلي آغلب الرجال بيهربو منها وبيخلو مسؤلياتهم
في عملي بعض المرات توقع في مواقف لا تحسد عليه
ويجب اتخاذ قرارات فجأئيا بدون دراسه مسبقه لآنو المشروع مر بظرف طاريء
وهون لازم تتحمل عاقبة قرارك آذا كان صائب بتنجح المشروع وتربح
واذا مكان قرار سليم ,, لازم تحل الازمه والخلل يلي وقعو بسبب القرار
وترجع المشروع لمساره السليم
* هل العبارة بها عنصرية امرأة عن مئة أو ألف رجل ،،، لماذا لا نقول امرأة عن ألف امرأة
؟؟؟
آكيد دكتورتنا هيدي عبارة عنصريه
بس يمكن ماقصدن يقللو من شأن وأهمية المرأة
بقدر مابيقصدو انو الرجل معروف عنو القوة والشجاعة
وهم بعبارتهم هيدا وحسب رائيهم (قاصدين انن رح يرفعو المرأءة لمنزله الرجل)
مع آنو بالواقع آنو تنيناتن بنفس المنزله وتنيناتن بيكملو بعض
بس بالعاده المرأءة مابتتدايق اذا بيقلولا انتي بـــ 100 رجل
بس آذا بيقولو لــ رجل آنتا بـــ 100 نساء ؟؟
ههههههه رح يخرب الدنيا ويطربق كلشي ع راس يلي قايلو
مختصر الموضوع / مجتمعنا ذكوري ومرح يتغيير هيدول المفاهيم
على فكرة أنا لست كارهه لجملة" امرأة عن ألف رجل" ولي رأي سأرى هل نتوافق عليه أم نختلف
شفتي الطمع ودي نتساوى هنا يا جميلة الطبع،،، وإن اختلفنا سأعتبرها أجمل الناس والمرات اللي أختلفهم معهم
وآنتي من آجمل وآروع وآرقى الناس يلي آتفقت وحتا لو آختلفت معها
بتضلي نفس الانسانه المثقفة الواعية المتحضره يلي بتفرق بين حدا بيختلف مع رائيك
وبين حدا بيختلف مع شخصك , وشو بيفرق بيناتن
ومابتاخدي آي رائي كـــ شخصنه آو كـــ تهجم ونقد ع شخصك
مع آنو بيشهد الله انك عزيزه وغاليه ومحبوبه بقلوب الجميع والكل بيحب شخصيتك وآنا اولهم
منرجع بقا للجواب يلي تقريبا رديت عليه بجوابي السابق
حتا لو مابحب العبارة (المرأة بــ 100 رجل) بس هيدا صار مثال مشهور عند الكل
ورائي الشخصي هي
آنا بفضل يقلولي آنتي امرأه بـــ 100 آو 1000 مراة
لآني فخوره ومعتزه بكوني آنثى ,, ولو كان القرار بأيدي كنت بختار كمان كون أنثى
وطوال حياتي ولا مره تمنيت أكون رجل , ومابحب يقارنوني بالرجال
والنجاح والتألق من حق الاثنين ومش حكر فقط ع الرجال
مع آنو حياة الرجل الشرقي والمسلم آسهل وآبسط كتير من حياة المراة
خاصتا يلي بتعمل برا وبترجع للبيت وتربي أطفال وتخدم زوج وولاد وضيوف
مقارنتا بحياة الرجل الفارهه ,, يشتغل وبالبيت يرتاح وعطول بيكون ذهنو صافي ومركز
لآني متل ماقلت بعشق كوني أنثى وبعشق كل مواصفات ومزايا المراءة
,, وبعشق التحديات واجتياز الصعاب يلي حصه الأسد منن من نصيب المرأة
وهلآ غاليتي طمنيني نحنا متفقين ولا مختلفين  !!
| |  | |  |
هيدا الجزء الآخير للبارت الآول من آسئلاتك دكتورتنا
بتمنى انن نالو اعجابك واعجاب الجميع
|
|
|
|