وعليكم السلام ورحمة الله وبركاته
شوفي علشان نوعا ما تتطمني اذا هذا فعلا لقبك العصيمي اشوفكم جميلات ماشاء الله تبارك الله ليه كل هالقلق والخوف والتوتر ريلاكس يا ماما هدي دنيتك ياوحش الكون
هههههه
امزح معاك
بسألك سؤال انت عايشه مع هيون اكلت وشربتي معاه شفتيها وهيا زعلانه ولا تبكي تعرفي مشاكلها و همومها ١٠٠٪ مو بس هيون هيا ولا اي وحده من المشاهير
كيف تحكمون علي ناس انهم سعداء ومالكين حظوظ الدنيا وانتم ماشفتو منهم الا جانب واحد بس من حياتهم
وهل تظمنين مصداقيتهم اصلا
وليه تقارني حياتك وحظك فيهم؟
سؤال
انت هيون؟
او نجلاء؟
او ملاك الحسيني؟
او مودل روز؟
او حتي موديل اش؟
لا
انت نوير العضيمي انسانه لك كيانك لك شخصيتك لك اسرتك اللي اتربيتي وسطها وقبيلتك اللى تنتمي لها لك دراساك لك طموحك
اهم شي للواحد ثقته بنفسه انت ولا قريباتك ليه مقللين من قيمتكم وان مالكم حظوظ عمركم ما راح تنجحو في حياتكم ولا في ناحية طول ما نظرتكم لانفسكم دونيه
الشخصيه الناجحه الجذابه تمتلك ٣ خواص اساسيه الثقه بالنفس والاستحقاقيه و تقدير الذاتي
وانت الثلاثه كلها عندك منخفضه ف كيف اقنعيني وحده ما تقدر نفسها و شعور الاستحقاق عندها مخفض وثقتها تقريبا ميح كيف حيكون لها حضور وجاذبيه
الجمال لوحده ما يكفي المال والحسب والنسب والعلم مايكفون هذه من ضمن مقادير الوصفه ناقصك الشخصيه والاسلوب والثقه بالنفس
اقلقي علي هالاشياء اكثر من قلقك من طولك
الرجال يحب مرته واثقه من نفسها وعمره الرجال ما حب وحده مهزوزه تقارن نفسها بعالم مثل هيون وشلتها