07-28-21, 04:34 PM
|
#18 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
 |  | |  | | يسعد صباحك الجميع هنا
أتفق مع العزيزه الشهد بنقطه مهمه
ألا وهي " سعة صدر " تاتي
طولة بالها بالإجابات
تعطي السؤال حقه وزياده
أنا شخصيا أفتقد هذا " النفس الطويل " 
أبدع "النجم "الفيلسوف
وأبدعت تاتي ورسمت حضورا يليق بها
يسعد نهارك وكل اوقاتك
وياميه آهلين بالغاليه نايفه نورتي
تسلميلي لكلامك الرائع بحقي وبحق طبيعتي واجاباتي
هيدا من كتر ذوقك وحلاكي وانتي الاروع
سرني انن عجبوك
لدي عدة أسئله عابره
لكل إنسان عيوب ..
ماهو العيب لدى تاتي الذي تضع إصبعها عليه وتخاطب نفسها
لابد أن أتخلص من هذا العيب !!
من العيوب يلي كتر خبر الله قدرت اسيطر عليهن (العند وعدم تقبل النقد)
بخصوص النقد قطعت أشواط كتيرة ,, بس بخصوص العند بعد باقي شوي شغل
خاصتا في الاشيا والمواضيع الشخصية يلي بيخصوني مابحب حدا يتدخل
وكنت من النوع الكتير عنيد المتمسك برائيو ,, بس هلآ لاء
بصير أتطلع للموضوع من وجهات نظر مختلفة وبعاين الحالة
واذا شفت انو عندي غلط ,, عادي بصير اتقبل الامر بدلوماسية وصدر رحب
وهلآ عيبي يلي ماسيطرت عليه ,, (يمكن يعتبر مزايا ومش عيب)
السعي للكمال اني كتير بجتهد وبحب اعمول كلشي بنفسي
مندون مساعدة من حدا وعطول ملتزمه بالمواصفات والتوقيتات
ولهيك مرات بنصاب بارهاق شديد ومرات يتراجع عافيتي وامرض
علاقة تاتي بالماركات !!
كتر خير الله علاقة طردية حلوة وزاهية
بنقي من الماركات الشهيرة والغير شهيرة الموديلات يلي يلبقولي
مرات بشتري أشياء باهضه اذا كان ع ذوقي ومرات شي سعرو نورمال
يعني مش شرط الا لازم يكونو من الماركات الغاليه
وبواكب الفاشن حسب شو لابقلي ولابق ع جسمي وشو يلي ع ذوقي
العاطفه والحب !
هل استحوذت على الوقت الذي تستحقه من عمر تاتي !
أم أن التحصيل الدراسي والعمل حجّم حضورها !
نايفه / سألتي سؤال رائع بتحتوي ع اجابتو كمان
فعلا الدراسة والعمل الموقعي حجمو حضور العاطفة في حيات تاتي
وقبلو آنا بطيعتي مني من النوع العاطفية وانما عملية وواقعية اكتر
عندي آرائي وفلسفتي الخاصه عن الحب
صحيح آنا حابة أحضر أفلام واسمع أغاني رومنسية واقرا روايات رومانسية وآتأثر فيهم
بس بذات الوقت مابتمنى اني كون محل البطلة ابدا
لآنو انا مابيكفيني أكون الحبيبة او العاشقة ,, هيدا مش دوري في الحياة
لآنو انا طموحاتي واهدافي واحلامي اكبر من هيك بكتر !!
لهيك حتى قبل ما افوت ع الجامعة وادرس مجال فكري بامتياز متل الهندسه
بأول فترة من صبايا انا حجمت دور العاطفة بحياتي وآكتفيت بدور ومساندة ومحبة وآحتواء اهلي لالي
لآنو بصراحه مش لازمني العاطفة ولا الحب ولا الارتباط آذا مابيجو بالوقت المناسب !!
ودائما الشخص الآنسب بيجي بالوقت الأنسب وهيدا حكمة ربنا سبحانه وتعالى !!
بس آثبات النفس والحصول ع فرصه عمل ممتازة والدراسة بمجال فكري وابداعي متل الهندسه
مابيجو بكل الأوقات ,, وهون الهدف الأكبر انو الشخص يكمل دراستو بتالق ويشتغل ويبدع بمجال عملو
يلا وقتا يفكر في الارتباط وبناء اسره جميله ... هيدا رائي وفلسفتي
يمكن غيري يكون عندو غير تفكير ,, ويمكن يقلك انو رح يتوفق بين الدراسة والزواج
بس انا لاني صريحه وواقعيه بعترف وبقول: انو كتير صعب الشخص يتوفق بين دراسه فكرية ضخمة
وعميقه متل الهندسه وبين اسره جديده ,, وطلبات زوج وأطفال مابينتهو ,, واداره البيت ورعاية الضيوف
وكتير من الالتزامات الاسرية الاجبارية والظروف يلي بيعترض حياة الطلبة المتزوجين
يمكن يكون الشخص متعود انو يكون تحت الستريس وبيعطي نص اهتمامو للاسرتو الجديده والنص التاني لدراستو او شغلو ,, يعني ينقسم بين الاثنين ويكون عطول مشتت ومرهق وتعبان
بس انا مني من هيدا النوع حابة اعطي الاهتمام الكافي لمجال 1 واقدر انجح وابرز فيه
وكمان متعودة ع الراحة في بيت اهلي (ربنا يخليهم لالي ويطول بعمرهن ويسعدهن)
لهيك مابحب اضغط ع حالي كرمال أي شي ومابحب ادفن مواهبي ومهاراتي واحجم دوري فقط
في زوجة مطيعة وام حنون واستغنى عن طموحاتي كياني كــ آنسانة ناجحه وبارزة
وحابة احتفظ بتركزي ومواهبي وطاقتي الكاملة للمجال يلي بشتغل فيه
وبصراحه الأهداف اهم من الأشخاص ,, الشخص بيروح بيجي 100 واحد غيرو
والزواج ملحوقين عليه بأذن الله بتوقيتو المناسب ومع الشخص المناسب
بس اثبات وإبراز نفسك والنجاح الاكاديمي والوظيفي وفرص الدراسة والعمل والاهم شخصيتك العملية
آذا ضاعو مرح يرجعو ورح يتركو جواتك نقص كبير ولا 10 اسر و لا 20 أولاد مابقدرو يملو مكانو ولا يقومو بدورو
هذا مالدي فقط ..
وقد أعود
 | |  | |  |
اهلين فيكي وبعودتك البهية
غاليتي نايفه انتي باي وقت بتنوريني
|
|
|
التعديل الأخير تم بواسطة ŢαŢμαŊα ; 07-28-21 الساعة 04:54 PM
|