منتديات مسك الغلا | al2la.com - عرض مشاركة واحدة - الناقد والفيلسوف الحلقه 2 مع ŢαŢμαŊα( انثى اسثنائيه )

**ŢαŢμαŊα** · 07-31-21, 01:20 AM

المشاركة الأصلية كتبت بواسطة الدكتورة

بداية

جعل أيامج كلها سعادة
الأيام الحلوة

الله يسعدك دكتورتنا الجميله
وربي يجعل كل ايامك ولياليكي مليانين بالسعادة

بين الحلو والمر والحزن والفرح

ألا تتفقين معي يا تاتي أن الحزن نعمة أحيانا لأنه أعطى للفرح معناه،، فلولا الحزن كيف سنعي معنى الفرح
؟؟؟

آصبتي غاليتي فعلا لولا الحزن مرح نحس بطعم وتأثير الفرح
ووقتا رح بيكون كلشي بلا طعم ولا لون

* أحلام تاتي مثلت الجانب الوردي الجميل من حياتها، هل يوجد حلم صعب التحقيق
؟؟؟

آكيد بعد في آحلام كبيرة وكتيرة ومن ضمنها الصعب المنال
بحكم آني آنسانه طموحه جدا وبحب الحياة وتحدياتها
وبعد كل سنتين او 3 سنوات بيصير الواحد يعلي سقف اهدافو ويحاول يوصل لاهداف اعلى

* ما هي أحلام تاتي التي أعطت عنوان للأيام الحلوة
؟؟؟

بدايتا كنت بتمنى اطلع تلميذة شاطرة واقدر ارفع رأس بي ومامتي ... وكتر خير الله تحققت
وبعدا ادرس الهندسه وكملها بنجاح واشتغل بمشاريع عمرانيه في مدينتي
الناس بيصيرو يدعو لالي ولاهلي وحمدالله هيدول كمان اتحققو
وآحلى شي لما يقولولي : ربي يطول بعمر الوالدين يلي انجبوكي او يلي ربوكي

سعادة الآخرين والله جميل هذا الطبع يا كريمة الخلق ومش غريب عليج
ما هو أجمل ما صنعته تاتي للآخريين
؟؟؟

كلك ذوق دكتورتنا الجميله وانتي الاجمل
السعادة متبادلة ومعدية , متل ماانتا بتسعد الاخرين هما بيردولك السعادة ويمكن بنسبة اكبر
وآجمل ماصنعته للاخرين وسببو لهم ولي السعاده هو الاحترام والاهتمام المتبادل
النصيحه يلي طالعو من القلب + المشاريع الخدمية يلي قمتا لاهل مدينتي وهم استفادو منها

خلينا ناخذ ما يناسب الأيام الحلوة من مدونتج:

https://www.al2la.com/vb/1906651-post94.html

الأيام الحلوة من خلال أسعاد الأخريين تمثل الجانب العاطفي للشخص،،
هنا تقولين الحب عناية / اهتمام / عطاء
ماذا يعني الحب عندما يقف عند حدود الكلمات
؟؟؟

بصراحه الحب رح يتحول لسراب عندما يقف عند حدود الكلمات
وبيفقد اهميتو آذا ماطلعت من طور الآقوال وماتم ترجمتها لافعال !!
فــ الكلام كتير سهل وكلحدا بيقدر يقولها مندون ما يصرف ادنى جهد

ولكن الحب الحقيقي او العشق (متل ماموضع بالصورة) انو الشخص
مايتغيير مشاعرو واهتمامو بالطرف الاخر مع تقدم العمر وزوال الجمال

* العطاء يغير نظرة الآخر ممكن يكون عدو ويصبح صديق، ما رأي تاتي هنا
؟؟؟

هو العطاء دورو كتير مهم وتأثيرو آهم بس بيتوقف ع نوع العداوة :-
اذا كان الشخص صار عدوك بسبب ظرف طاريء او منافسه او فكرة غلط هو اخذها عنك
... فـــ يمكن العطاء وحسن المعامله يغيير رائيو ويتحول لــ صديق او ع القليل يبطل يعاديك

بس اذا كان الشخص بيكرهك وحاقد عليك شخصيا ,, فــ وقتا أي محاولات حسن النيه او العطاء
مابيكون الو لازلمه وبيكون ضيياع لوقتك وجهدك
فـــ وقتا آفضل حل هو آن تتركو وراه ظهرك وتكمل مشاويرك

هل الحب دون احترام حب حقيقي وصادق
؟؟؟

آكيد لاء دكتورتنا
مش بس الحب
وانما آي علاقة أنسانية مابيكون اساسو الاحترام المتبادل
رح بيكون آهانه واذلال ومصيرو الفشل وسوء عاقبة

* أيهما يقدم الحب أم الاحترام
؟؟؟

طبعا الاحترام أولا وأخيرا

https://www.al2la.com/vb/2009408-post242.html

تاتي تذكرين لما قلت لج أنا لست ضد أنا يقال امرأة بألف رجل،، هنا يكمن القصد

عندما توصف المرأة بهذا الوصف للدلالة أنها كفؤ للأعمال التي يقوم بها الرجال،، ويعتمد عليها حتى وإن خلال البيت من الرجال لأي ظرف يُعتمد عليها،،
ما رأي تاتي هنا
؟؟؟

آكيد بتذكر دكتورتنا كل حواراتنا بهيدا الخصوص وبالتفصيل كمان
وآنا بعدني عند كلامي ,, بس هيدي التدوينه حاله خاصه جدا
الصورة يلي رفقتا مع العبارة اختفت وكانت لوحدة من بيشمركتنا اللبوات الباسلات
يلي كانو يحاربو ويدافعو عن شرفهم واطفالهم في كوباني
ولانو الموضوع بيخص المرأة والحرب لهيك اجت العبارة تمثيلا لهيدا الواقع
(بما معنى حتى لو استشهدو الرجال في الحرب ,, نسائنا بيقومو بواجب هالرجال )

المرأة الأفضل نسبية لدى الأشخاص،، لماذا تختلف المعايير على الأفضلية عند المرأة بالذات،، فالرجل عادة لا تختلف عليه المعايير فيقال عدة صفات عادة نراها مكررة ،، عكس المرأة هناك اختلافات ولو شفتي عدد من البرامج ستدركين ما أقوله طيب ليش يا نون النسوة
؟؟؟

لآنو المجالات يلي بيتمييز فيها الرجال بلاساس يكونو محددين
عكس المجالات يلي بيتمييز فيها النساء ,, لهيك هون بتبلش الضجة ع احقيتها او لاء
لآنو المعايير بيجو ليوضحو مستوى آداء الشخص في مجال او تخصص معين وحسب مواصفات معينه

متى تكون المرأة
يوم حلو

ومتى تكون
يوم حزين

ومتى تمثل القسوة

؟؟؟

في فلسلفه رائعه للشاعر الرائع (نزار قباني) مغزاها :-
لا توجد مرأة قبيحة ,, فــ المرأة تزهر مع الرجل الطبيب وتذبل مع الرجل السيء
ونفس الشيء في حياتها الاسرية
وقت تلاقي الاهتمام والتقدير المستحق من شريك حياتها او أهلها بتزهر وتكون يوم حلو
والعكس صحيح وتمثل الذبول واليوم الحزين
آما القسوة تجي كــ re_action طبيعي من إهانة او تجريح كبريائها او انوثتها

المرأة عاطفية بطبعها،، كل المشاعر تتمثل بها ومن خلالها ،،، أي شعور تحبه تاتي في ذاتها،، وشعور تتمنى أن تتغلب عليه
؟؟؟

كتر خير الله دكتورتنا الجانب العاطفي قدرت اعمول عليها كونترول قوي
بس بتضل مشاعر ساميه متل (محبتي للحياة ,, الحنان ,, الرحمة ,, الإحساس بالاخرين ومساعدتهم ,, والضمير الحي)
موجوديين فيى بقوة وهيدول مشاعر بحبهم بحالي
والشعور يلي بدي اتغلب عليه انو مرات قدما بتأثر بمشاكل ومعاناة يلي حواليا ومابقدر ساعدهم , لا اراديا بيتحول الحزن والهم لالي وبصير بعتل همن اكتر من اللازم
بعرف انو هيدا مشاعر نقية بس وقت يصير يآذيني لالي ضروري احط حد لها
لآنو بصراحه انا باغلب الأوقات بعمول اكتر من الواجب والباقي بيكون ع الله

نقطة الضعف فرح أم حزن
؟؟؟

نقطه الضعف بلاقيها حزن آكتر من الفرح
ومرات بتتسائب انو تكون نقطة الضعف هيا نفسها نقطة القوة
وخاصتا اذا كان بيخصو الاسرة او شغل وهواية بتعشقها

وهيدا آجاباتي ع البارت الأول من آسئلات دكتورتنا الجميله