عدنا
اول شي ضحكني اللي ترك الشاهي عشان يبطل الحبوب
الكبتاجون تطلب مشروبات سواء ساخنه او بارده
ماتطلب اكل لان اللي ياكلها تنسد نفسه عن الاكل
فالبعض يشرب شاهي كثير طبعا ساده بدون نعناع
لان النعناع يرخي من مفعولها وسكر زياده
لان الدنيا مره
وبعضهم قهوه عربيه وبعضهم مشروبات بارده مثل الموكا وغيرها
هي تتعلق بالنفس مالها علاقه باي نوع من المشروبات
لمن الواحد ياكل الكبتاجون نفسه تميل على نوع من انواع المشروبات
المهم
خطر الكبتاجون يتمثل في حاجتين
اول شي :
الحبوب المظروبه
بين فترة وفتره .. تدخل للملكة حبوب مظروبه
منها من تفجر قلبك
ومنها من ترفع الضغط وتفقع عروقك
ومنها من تلحس مخك
ومنها من تخليك تنفس على اللي حواليك وتخسر ناس كثير
قبل كم سنه لقوا عندنا على امتداد الساحل جلسة شباب
متوفين وبينهم كيس الحبوب
عروقهم تفجرت
ويعلمني واحد من الشباب قبل شهرين نازله نوعيات ترفع الضغط
اما اللي انلحس مخهم كثير
نسال الله السلامة
الشي الثاني وهو الاخطر :
التسليم التام للنفس والراس للكبتاجون
هذا النوع نهايته فصل من الوظيفة
وخراب بيوت
وانعزال عن الناس
واخرتها فلسعه .. نسال الله السلامة
هذي ينطبق عليها المثل اللي يقول
بدايتها دلع ونهايتها ولع .. اي ادمان
النوع هذا يبدا بالحبوب النظيفه
لمن تكون عندك حبوب نظيفة
اول ماتتعاطاها انت تكون اطيب شخص بالعالم
عندك استعداد تستقبل جميع نوعيات البشر ونفسياتهم
ولمن تكون بالدوام تعطي عطاء مبهر بذمة وظمير واخلاص
واكثر لايقعون بخطرها الموظفين
فاللحظة هذي اذا سلمت نفسك وراسك لها انتهت حياتك
حاتصير ماتعرف تشتغل وتعطي وتقابل الناس الا اذا تعاطيت
حاتسير هي اللي متحكمه بحياتك
تسير اذا تبي تروح للدوام لازم تتعاطى عشان تنجز
لانه اوهم نفسه ماينجز الافيها
اذا بتروح مناسبة لازم تتعاطى
هنا توصل لمرحلة الادمان
ومابعد الادمان غير الخراب
الان اغلب المتعاطين بدو يدركون خطرها
لكن للاسف حولوا على صنف غيره
لكن في الاخير الكبتاجون مايتعاطاه الا انسان مايبغى نفسه
انا اعرف ناس كثر تتعاطى ولا وصلوا لمرحلة الادمان
لانه اقنع نفسه انها تفاريح وليست اسلوب حياة
ومسوي لنفسه كنترول
ومستحيل يتعاطاها في الدوام عشان لايتعود عليها
ولكن احيان يطب بالنوع اللي ينفس بالواحد ويخليه يكره عيشته
بلحظة اذا كان متزوج ممكن يطلق وينخرب بيته وينفظح
زي واحد من العيال يقول بعد الغدى اكلت حبه وطلعت مظروبه
ونفست على زوجتي وبغيت اطلق
يقول اخر شي دق علي ابوها وسويت نفسي ان صابتني
عين فيها وسقت الفلم ومشى عليهم
يقول بعد الفلم اللي صارلي توبت توبه لوجه الله
خطرها بلحظة يجي
والله اسمع قصص عنها تفجع
زي ماقلت
بدايتها دلع ونهايتها ولع وشقلبه على الارصفه
وانا اقولك كيف تتجنب خطرها
حبه وحده ممكن بلحظة تهدم كل شي حلو بنيته بحياتك
فكر فيها شوي ..