انتى طبعك فيه كل حاجه .
وفيكى من كل حاجه حاجه .
فيكى من الطبيعه تناقضها
وفيكى من السما بعادها .
وواخده من القمر نوره
وفيكى من الارض احتوائها .
فيكى من اللقى سعاده
وفيكى من الفراق جفى .
وفيكى من المطر برده
ووخده من الشمس الدفى .
ياواخده رقة العصافير
فيكى من الجمل صبره .
وفيكى شراسة الاسود
وفيكى من الزمن غدره .
ياهاديه زى نسمة صيف
وواخده من الريح شدتها .
فيكى من الحمام سلامه
وفيكى من الحرب قوتها .
ياواخده من الورد حنانه
فيكى جبروت الجلاد .
وفيكى من النغم احزنه
وفيكى فرحة الاعياد .
وواخده من العقل اتزانه
وواخده من الجنون عناد .
وخدتى من الشعر ميزانه
وخدتى من السنين بعاد .
ياوخده من البركان غليان
وفيكى من الندى محبه .
وفيكى من الوطن امان
وفيكى خوف الغربه .
وواخده من الكواكب تناقض
وواخده من الكون انسجام .
انتى كل شئ وعكسه
انتى علامة استفهام ؟ .
بقلمى الشاعرعبدالحميد