 |  | |  |
| عندي نسيب معاه القلون
وهو ماشاء جرب كل شي
في الحياة عمره تقريبا 50 سنه
لكني نفسي اتجنب اني اكل قدامه
لأن كل أكله احطها له لابد يحط
فيها سبب وعله هو يميل للاكل
القديم وحتى الاكل القديم إذا
حطيناه له يعيب عليه انه ماهو مثل
اكل أهله
ماهي نصيحتكم لي
هل تنصحوني اكل معاه على نفس
الصحن | |
 | |  |
الفاضل / مشكلتي
تعليقي على مالفتني
تقول ان عمره خمسين سنه وانه جرب كل شيء في الحياة
متأكد انت انه خلاص ختم الدنيا يعني المفروض يودعها !!
خلاص جرب كل شيء يترك لنا مجال
وليه ندعي لاحبابنا بطولة العمر بالله
مو كذا نفكر الانسان لو يعمر 100 سنه من سابع المستحيلات انه جرب كل شيء
بلعكس ذا عنده القولون يعني هو اللحين يحاول يتجنب تجربة اشياء كثيره
عشان صحته ومصلحته
لاننسى اننا كلنا مختلفون وهذا الاصل والاساس
يعني لو نجيب عشره اشخاص كلهم بعمر الخمسين
كل شخص فيهم اسلوبه ونفسيته مختلفه
واحد منهم يدقر ع كل شيء كبيره وصغيره
والثاني انسان الحياه عنده سهالات كل شيء عنده صغير لايستحق التدقيق
والثالث يجمع الاثنين اللي قبله مع بعض الاختلافات حسب موده
الفكره انه كبير لحد يقولي ان الخمسين ولد وشاب وياكل حلاوه
بالعقل يعني
فاذا انصت له وجاريته هذا مو يعني انك مقتنع بكلامه لا
انت الظاهر شاب اقل سن منه وذا يعني تحب الاكلات العصرية
بيننا هو اعتاد ع الاكلات القديمة
انت منت مجبر تقدمها لها بس مايمنع ان الجود من الموجود
مثلاً عزمتك ع الاكل عندي وانا وحده نباتيه اكلي كله سلطه خيار وسبانخ وطقته
بالله عليك اقدم لك بس الاطباق اللي احبها ولا احسب حسابك واقدم لك برقر ومشاوي
واطباق تحبها
يعني ليه عازمتك تاكل معي وانا مو حاسبه حسابك
مافيها شيء لو من ضمن السفره تقدم طبق يعجبه
واذا قدمت وهم بعد نقدك كبر راسك املي بطنك وسلك له وقوله المعذره الجود من الموجود
سولف وانبسط ورفه ع نفسك
مافيها شيء نراعي مشاعر بعض خاصه اكبر منك سناً
نراعي مشاعر اصحابنا من نفس سنا وتفكيرنا
موب قادرين بالله عليك نراعي الاكبر منا عندهم يعني ضاقت علينا
وش ذي الحساسيه المفرطه اللي واحنى شباب مانقدر نسيطر عليها عندما نقابل
جيل ماهوب جيلنا الحياه لاتعاش بالتخلي
كن مرن في التعامل بينما انت تشوفه معقد خلك احسن منه
وكل انسان ماحب تصرفه امسحه من حياتي ع كذا نسوي لكل جيل كره ارضية ونعزلهم
كل مره نترقى لارض تناسب عمرنا
لذلك لاتفسد فرصة العمر وبقائكم في الحياه بالمشاحنه والتذمر والجفاء لاتفه الاسباب
انا اشوف بدون مبالغه انت اكيد اقل سنه منه لذلك عقليتك اكبر بكثير من انك
تتصرف معه بجفاف وتبتعد عنه
اذا انت ماتقبلت تصرفه وكلامه هذا يعني راح توصل لنفس سنه وتكون بنفس طبعه
ولن يتقبلك احد لذلك كبر دماغك
وابتسم للموقف بكبره السالفه حديث ماينقص منك شيء
اسمعه ولاتفكر بشكل مغلق يعني لاتعطي المشكله اكبر من حجمها
طبيعي ذا نسيبك كل معه لو الهجران حل كان اللحين احنى في غابة حيوانات
العقل نعمه انعم الله علينا بها لنستخدمها
قالك اكل اهلي احلى قله متى تعزمني خلني اذوقه يومنك تمدحه شوقتني له
قالك اكلك مو حلو قله الحمد لله والله انا احبه ويعجبني وتعودت عليه
قالك الاكل الفلانه ازين قله ع يدك علمني اطبخها
ترا ع الاكل معروف السوالف لابد منها وكلها سوالف عابره
والله الموضوع اتفه من انه تقول اجالسه او لا مو معقوله نحمي انفسنا
حتى نبتعد ع الكل
وبكذا نصبح هشين من الداخل اي كلمه نتحسس منها وتحز في خاطرنا
انا اشوف نستفيد من الحياه بمن فيها ونعزز ذاتنا ونقويها بحيث
تمر بعض السوالف كمرور الرياح من حولنا لاتضر ان لم تبهح الروح فهي تمر وانتهي
ولاتنسى الانسان كلما عاش وكبر سنه قلة صحته وقلة قوة تفكيره وعقليته
فاذا صادفت انسان ولاحظة تعقيد في تفكيره
تذكر ان اهل الجنه اعمارهم ثلاثة وثلاثين
وهذا يثبت انه سن لايقارن بغيره لنرتقي قليلاً في التعامل مع الاكبر منا
نحن اكبر بكثير من ان نخلق من التوافه عقبات في الحياة
تقبل ردي وعلق وردي مع خالص احترامي لسموك
آسيرة حرف