ألا واهني وسعد شخص مشى وارتاح
سليم الكسور وسالم من عوايقها
ولانام له في غرفة مالها مفتاح
ولاشاف ناس طيبة في طرايقها
بعد شفتهم ولّيت والقلب معهم راح
براكين صدري زودت في حرايقها
كلام عسل واحلى من التين والتفاح
من الواقع هروجه ولاهو يفرقها
تجلى إله الكون في خلقه الوضاح
كما الشمس بانت واطلعت من مشارقها
ترى الناس غيره كالكواكب لها مصباح
!ذا بانت الشمس اكسفت في تبارقها
متى ماقصدنا بالزيارة تعم افراح
يطيب المريض وغرفته مايفارقها
نبي نعقد الجلسة ولاعندنا نباح
نقول السراير مانطلع بوايقها
لعل الله اللي يرزق الطير في الاصباح
يرسّي سفينة حبنا مايغرقها &