إنتي إزااااي تغلطي غلطه زي دي؟؟؟؟؟!!!!!
قالها و الإستنكار مالي ملامحه
إنت إزاي مش فاهم إن الناس بتغلط كده و اكتر من كده كمان؟؟؟
رديت و الإستنكار مالي ملامحي
بس هي مينفعش تعمل كده.. مكنش ينفع
رد و الغضب عليها لسه ماليه
كويس انك صلحت جملتك.. مكنش ينفع.. يعني كاااان... بقى ماضي..
اللي مينفعش فعلا انك تحاسب حد على اللي كان
ينفع بس تشوفه دلوقتي
هو مين و إيه
ينفع تبص لمبادئه و أفكاره و أحلامه
مينفعش تبص بس لغلطاته
و على فكره
ينفع تبص و تشوفه و تعرفه
بس برضه مينفعش تحاسبه
معجبكش كيانه كله على بعضه كإنسان
ينفع متعرفوش خالص
بس برضه
مش من حقك تنصبله محكمه..