على درب الهوي تلقي الاحبه الوف
وخدين كده فى وشهم صفوف وراه صفوف
حلمهم عش صغير و عشرة بالمعروف
منهم ال تمت فرحته وساب وراه الخوف
ومنهم ال نزلت دمعته وضرب كفوف
بكفوف
يا ولاد الحلال دلونى واعملو معروف.
بس توصفولي وانا امشي على الموصوف.
حببتى دي بلسم روحي .ومِنك لله يا ظروف.
سافرت اجيب مهرها ورجعت لها ملهوف
قبلتنى بدموع عنيها وشوفت وياما اشوف
زمن العجايب يازمن هقول ومش مكسوف.
فقير وعلى اد حالى وابوها راجل معروف.
ونَسبي ما يشرفه. وواقفين علي بابها صفوف.
ما استسلمت انا وبسرعه اخت قراري
رحت على دار حببتي وقلت ياعمي انا شاري
راح اغطيها برمش عينى ولو بيت انا عاري
يا عمى من بدري بحبها ومخبي ومداري
وبحلفك بالزرته. لتبارك مشواري.
صرخ فى وشي وقال اخرج يلا من داري
حب ايه يا واد انتَ شعللت كده ناري.
خرجت مش شايف شمال ولا يمين .بكي
قلبي جوايه و الصبر بييجى منين .بكره هتفرج
علينا وادينا متعشمين .وبعت اقول لها
اسمعيني يا نور العين .انا هنا مستنى وما تقولى
لحد فين .ويارب لملم شملنا ولو حتى بعد سنين
.................
قالت ..
حبيبي كده خلصت .اهلى وعرفاهم
وأدلك على المفيد و ما تعيدها وياهم
ولو وقفنا سوي ضددهم أوعندناهم
موتنا حتمى اكيد ونفوذهم حمياهم
وخد منى وعد وبالوعد انا بوفي .
ما حد يلمىس توبى والعمر ما يكفى
اعيش على ذكراك
ولا عمري فى يوم انساك .
بس صعب الهجر وخليك قريب منى..
وبطلب بس مكتوب عليك يطمنى.
ويوم يجيب يوم وقلبي مستنى
واهو هجرني وغاب ولا سأل عنى
وروحى ما فرقت طيفه وهو الهاجرني
كان ذنبنا ايه .يا رب ارحمنى
أأقول لقلبي ايه لما يسألنى
يارب اسعد قلبه انت ال سامعني
ويارب سامح بئا ال ظالمنى