حنا يوميا تقريبا
مع
بنت أختي 
لنا مكالمة
"فيديو"
اللي قرأ مغامراتنا معاها
يعرف
ترفض
تتصل صوت بس
عشانها حملت قوقل دو
المهم
لو اجرؤ يوم
ما اشيل التليفون
يا ويلي
على طول لو رديت
" أنتِ ليش ما تشلين الفيديو"
لا والفيديو نطقه عندها غير
وطريقة الرد هواش من قلب
المهم
أقولها ما شفته والله ما شفته
ما يعجبها الرد
ليش
ليش
؟؟؟
المهم
من ضمن الكلام
أنه خلاص بنسوي ذي الشي عشان خاطرج
وصدمتني بردها قالت: أنا ما عندي خاطر
أقسم بالله إذا أنتِ ما عندج خاطر محدن له خاطر عندي
وعلى فكرة هي ما تعرف أيش يعني "خاطر" قالتها بعفوية
لكني
ما قدرت ما قدرت والله اتجاوزها حسيتها طعنتي " بشكل فكاهي" طبعا
ومرضت الأسبوع اللي فات
وقالت في الفيديو أنا مريضة
وكان الحضور الفوري ولا بصمة الدوام
لو تدرون شكثر ذي دمها خفيف
وتبارك الرحمن ذكية وبشدة ،،، وملفتة
لدرجة أختي اللي مش من النوع اللي جدا تخاف من العين عليها تخاف
،،،
وكل العائلة يحبونها والله أعنيها
بنات عماتي وحنا ومن طرف أهل أبوها
نسوي لها طلبية قدوم لبيتنا
ومشكلة تحب غيرها يا ويلك يا سواد ليلك من نظرتها
امسك أخوها الصغير تجيني وذي الوقت كل السوالف
تجيبها
والله مسكوا ولدكم وما أزعل أم الفيديو
فديت عمرها
وفي تصوير فيديو لها
مطرشته أمها على الواتس
لابسة نظارة شمسية
والله يعزكم جوتي كعب أكبر منها
والشنطة معلقة باليد
ومتوجهه صوب الباب
وتقولها أمها: الشيخة نادية لطفي
وين رايحة
بلفيت تبي تجي بيتنا
أما
نادية لطفي
،،،
بعض الأطفال ياخذ روحك
أي والله هي هكذا
ربي يحفظها
مع النظارة السوداء